Эрүүл мэндийн яамнаас коронавирусийн нөхцөл байдлын талаар мэдээлж байна. 

ХӨСҮТ-ийн ерөнхий захирал Д.Нямхүү "Гуравдугаар сарын 26-нд тусгаарлагдсан хоёр хүн эдгэрч, эмнэлгээс гарлаа. Франкфуртын тусгай үүргийн онгоцоор ирсэн 274 хүний нэгээс коронавирус илэрлээ. ХӨСҮТ-д 101 хүн байна" гэв.  

ЭМЯ-ны Олон нийттэй харилцах, тандалт шуурхай удирдлагын хэлтсийн дарга Д.Нарангэрэл "Сүүлийн 24 цагийн байдлаар дэлхий 215 орны 3,5 сая хүн халдвар авчээ. 2,1 сая хүн халдварын улмаас эмнэлгийн байгууллагад хэвтэн эмчлүүлж байна. 119 дугаарт 209 дууддлага иржээ" гэв.  

ДЭМБ-ын төлөөлөгч О.Ариунтуяа "Дэлхийн хэмжээнд нас баралт 7 хувьтай байна. Халдварыг тогтоох зорилгоор олон нийтийн үйл ажиллагааг зогсоож буй. Хөл хориог сулруулах, чангатгах талаар ДЭМБ-аас зөвлөмж гаргасан" гэв.  

ЭМЯ-ны Гадаад харилцааны хэлтсийн дарга Б.Янжмаа "Ням гарагт Итали, Испани,Франц улсад хамгийн бага нас баралт буурсан. Япон улсын хувьд хөл хориогоо чангатгаж, олон нийтийн арга хэмжээг цуцалсан" гэв.