• Lead the way ...
         
21
2024
Jul
Daily poll


Сэтгүүлч: Ц.МӨНХЖИН   |    176   |  
0

Амралтын өдрүүдэд өдөр тутамдаа болон тэмдэглэлт өдрүүдэд хийдэг бүх хоолоо хийгээд хоолны "урын сан" тань хоосорч байна уу? Тэгвэл хайртай гэр бүлийнхэндээ зориулан барууны болон Азийн орнуудын гайхалтай амттай хоолнууд хийх жоруудыг хуваалцаж байна. Шинэ жороор хоол хийх нь таны бүтээлч сэтгэлгээг нэмэгдүүлээд зогсохгүй стресс тайлах, танин мэдэхүйн мэдлэгээ тэлэх, гэр бүлдээ аз жаргал, халуун дулаан уур амьсгалыг бий болгох энгийн аргуудын нэг билээ.

Үхрийн мах, шоштой Enchilada

Гарал үүсэл: Мексик| 100 гр-т оногдох илчлэг: 168 ккал

Орц:

  • Татсан үхрийн мах
  • Ургамлын тос
  • Хар шош
  • Цөцгийн тос
  • Чедар бяслаг
  • Эрдэнэшиш эсвэл буудайн гурилан тортилла /бин/. Бин хийх жор эндээс харна уу.
  • Энчилада сүмс

Хийх аргачлал: 

  1. Татсан махан дээрээ ¼ аяга энчилада сүмсээ хийгээд сайтар хутгаад зөөлөн гал дээр дутуу болгоно. 
  2. Шарах шүүгээгээ 180C хэмд урьдчилж халаана. Шарах шүүгээний шаазан тавгандаа энчилада сүмснээсээ ½ аягыг  хийнэ. 
  3. Тортилла /бингийнхээ/ гурилыг нимгэн элдээд хайруулын тавгандаа ургамлын тос хийж байгаад шарна. Хэт удаавал хатуу шаржигнасан болж хуйлардаггүй.
  4. Бэлэн болсон бин дээрээ татсан мах, цөцгийн тос, үрсэн бяслаг, шошоо жигд тарааж байршуулна. Хэт чихвэл тортиллаг хуйлж болдоггүй тул орцуудаа багаар хийж нарийн ороомог болгоорой. 
  5. Хуйлсан тортиллагаа халсан шилэн тавгандаа жигдхэн байршуулсны дараа үлдсэн сүмсээ хийнэ. Бяслагаа хайлтал 15 минут болгоно. Бэлэн болсон хоолоо яншуйгаар амталж болно.

Бууцайтай зутан шөл

Орц: 

7 орцтой| 20 минутад болно| 100 ккал

  • Орц:  2 аяга шинэхэн бууцай /жижиглэж хэрчинэ/
  • 1ш төмс /дөрвөлжин хэрчинэ/
  • 3 аяга тунгалаг шөл /ногооны шүүс/
  • ¼ халбага хэрчсэн сонгино
  • давс, перец амталгаагаар
  • оливын тос

Хийх аргачлал:

  1. Тогоондоо оливын тосоо хийж халааж сонгино болон төмсөө хийж зөөлөн гал дээр шаргал болтол шарна. 
  2. Үүн дээр тунгалаг шөлөө хийж, шөлний миксерээрээ төмсөө сайтар нухашлина. 
  3. Буцалж буй зутан дээрээ бууцайгаа нэмээд ширхэггүй болтол шөлөө миксердээд бага зэрэг буцалгана. Давс болон перецээр амтална. Хүсвэл цөцгий эвсэл үрсэн бяслагаараа амталж болно.

Гахайн мах, бяслагтай гоймон /Macaroni Cheese/

  • 2 аяга гоймон
  • Нимгэн зорсон гахайн мах
  • 2 цайны халбага сонгино
  • 2 ц/халбага гурил
  • 420 гр тахианы шөлний /зутан cream of chicken soup/
  • ½ аяга тослоггүй сүү
  • ¼ аяга бяслаг
  • 100 гр нялх бууцай

Хийх аргачлал:

  1. Шарах шүүгээгээ 180С хэмд урьдчилан халаана. Гоймонгоо буцламтгай усанд хийж 7 минут чанаж сойно.
  2. Хайруулын тавгаа зөөлөн гал дээр халааж гахайн махаа  шараад тусад нь таваглана. Хайруулын тавгандаа тосоо нэмээд сонгиноо зөөлөртөл хуураад гурилаа нэмж хутгаад 1 минут хэртэй хуурна.
  3. Тахины шөлний зутан дээрээ сүүгээ нэмээд өтгөртөл буцалгаж, хутгана. Үүн дээрээ ¾ аяга бяслагаа хийж хутгаарай.
  4. Сүмсээ хутгаад, гахайн махаа гоймон дээрээ хийнэ. Орцуудаа бүгдийг нь сайтар хутгаад үлдсэн бяслагаа нэмээд алтан шаргал болтол 20-25 минут шарах шүүгээнд болгоно.

Татсан махтай рамен

Илчлэг: 626 ккал|

Орц: 

  • 2 уут бэлэн гоймон
  • 1 цайны халбага ургамлын тос
  • 2 хумс сармис
  • 2 цайны халбага гүнжидийн тос
  • 200 гр татсан мах
  • соёолсон буурцаг
  • 315 мл ус
  • Ногоон сонгино
  • Гүнжидийн үр
  • Сүмс: 1 цайны халбага буурцагнысоус
  • терияки цуу
  • hoisin sauce буюу өтгөрүүлсэн цуу

Хийх аргачлал:

  1. Сүмснүүдээ холино.
  2. Тосоо халаагаад сонгино болон сармисаа алтан шаргал болтол хуурна.
  3. Үүн дээрээ сүмсээ нэмээд 2-3 минут өтгөртөл буцалгана.
  4. Хайруулын тавагны нэг талд татсан махаа нэг талдаа, нөгөө талд нь гоймонгоо байршуулаад усаа нэмнэ.
  5. 45 секунд байлгасны дараа эргүүлнэ.
  6. 30 секунд байлгаад гоймон дэвтсэний дараа татсан махтайгаа хутгаарай.
  7. Үүн дээрээ соёолсон буурцгаа нэмээд сүмс гоймонд шингэтэл болгоно.
  8. Бэлэн болсон гоймонгоо гүнжидийн үр, ногоон сонгиноор амтлаад амтархан идээрэй.
 

 

Коттэжпай буюу төмсний хучмал

Илчлэг: 570 ккал| хийх хугацаа –бэлтгэл 20 минут, болгох 30 минут| Порц 4 хүн

Орц:

  • 1 цайны халбага ургамлын тос
  • 1ш дундаж сонгино, дөрвөлжин  хэрчинэ.
  • 2ш лууванг дөрвөлжин хэрчинэ
  • 500 гр татсан үхрийн мах
  • 250 гр цагаан мөөг
  • 2 цайны халбага гурил
  • 400гр улаан лоолийн нухаш
  • үхрийн мах амтлагч
  • давс, перец амталгаагаар
  • 450 гр төмсний нухаш
  • цөцгийн тос

Хийх аргачлал:

  1. Хайруулын тавгандаа тосоо хийж халаагаад зөөлөн гал дээр сонгино, луувангаа 5 минут шарна. Үүн дээрээ татсан махаа нэмээд 5-10 минут зөөлрүүлж болгоод мөөгөө нэмээд сайтар хутгана.
  2. Хайруулын тавагтай орцнууд дээрээ гурил цацаад 3-4 минут хутгаж гурилаа болгоно. Энэ нь сүмсийг өтгөрүүлж өгнө.
  3. Үүн дээрээ улаан лоолийн нухаш, үхрийн мах амтлагчаа нэмж хийгээд буцалгаад хэсэг хутгаад галаа багасгаж, ногоо махаа 10 минут зөөлөн гал дээр болгоно. Хэрэв шүүсгүй аргуу болсон байвал бага зэрэг буцалсан ус нэмээрэй. 
  4. Харин одоо шарах шүүгээгээ 200С хэмд халаагаад шарах шүүгээний шилэн тавганд болсон махаа жигд тарааж хийнэ.
  5. Нухшилсан төмсөө татсан махтай болц дээрээ мөн жигд тараана. Ингээд хучмалаа урьдчилан халаасан шарах шүүгээндээ хийж төмс  алтан шаргал болтол 20-0 минут болгоорой.
  6. Шарах шүүгээнээсээ хоолоо гаргаад  үрсэн чедар бяслагаа тарааж байршуулаад буцааж хийгээд 5 минутын дараа зооглоорой.
TAGS
#Advice





Холбоотой санал болгох мэдээ