Хувцас загвар, амьдралын хэв маягийн блоггер Н.Нандин:

Ээж минь цаг үргэлж “Чи бүгдийг хийж чадна. Оролдоод үз. Хэн ч чамайг шүүхгүй” хэмээн хэлсээр ирсэн. Тиймээс би өөртөө итгэлтэй байж, өөрийнхөө хамгийн сайн хувилбар нь байхыг хичээдэг. 

Миний хувьд ярихдаа тааруу учраас өөрийгөө хувцас загвараар болон цахим орчинд блог бичиж илэрхийлэхийг хүсдэг.

Хэчнээн ажил ихтэй ч хором бүрт аз жаргалтай байхыг хичээдэг. Тухайлбал, компьютерынхоо дэлгэцний зургийг урам зориг өгөх зургаар солих эсвэл ширээн дээрээ цэцэг тавих гэхчлэн өөрийгөө аз жаргалтай болгох жижигхэн зүйлсийг сэддэг. Хүн заавал гадуур зугаалах, сонирхолтой зүйлс хийхэд цаг, мөнгөө зарснаар аз жаргалтай болно гэж боддоггүй.