Жилийн өмнөөс “Зохиомлоор ядууръя” гэсэн дүрэм гаргаж бүсээ чангалж, их бага гэлтгүй орж ирсэн орлого нэг бүрийг хадгаламжийн данс, аяллын данс, бизнес данс, зугаа цэнгэлийн данс, гэр бүлийн харилцах данс гэсэн зургаан өөр дансанд хуваарилан хуримтлуулж байна.

Бүр ээж, эхнэр найз нөхдөдөө хэлэлгүйгээр... Үүний үр дүнд 20 кг жин хаяж, хамаатан садан, найз нөхөд, банканд бус өөрийн данс хооронд л бяцхан өгөө аваатай, ажил маань бүтэмжтэй, гэр бүл минь аз жаргалтай амьдарч байна.

Амьдралдаа хэзээ ч мөнгө хадгалж үзээгүй хүн нэг мэдсэн аяллын дансанд маань 6,5 сая төгрөг хуримтлуулсан, гэр бүлийн харилцах дансны доод лимит  1 сая төгрөг болжээ. Харин одоо хүмүүнлэгийн үйлсэд зориулах 7 дахь данстай болж бизнес дансныхаа орлогоос сар бүр хоёр хувийг шилжүүлж эхэлсэн. Одоо ч би өглөө би 5 цагтаа босож, эрүүл хоолоо бэлдэн авч явж, орой 18 цагаас хойш хоол идэхгүй хэмнэлээ үргэлжлүүлсээр... 

Охидынхоо ирээдүйд бэлэн байж, боловсролд нь хамгийн том хөрөнгө оруулахыг хүсдэг учраас санхүүгийн сахилга баттай байж, тэднийгээ бага зардлаар өсгөж байна.