Өглөө 07.30 цагт босдог. Хөнгөхөн өглөөний цайгаа бэлдээд охиноо цэцэрлэгт нь хүргэж өгнө. Олон улсын франчайз бизнес эрхэлдэг учраас 24 цагийн турш ажиллах ёстой. Тиймээс өглөө жимдээ явахдаа мэйлээ шалгаж амждаг. 09.30-10.00 цагийн хооронд ажлынхаа өглөөний хурлаа эхлүүлдэг. Илүү уян хатан байдлаар ажлаа амжуулдаг гэж хэлж болно.   

Өмнөх өдөр тохиолдсон явдлуудаа бодож сэрдэг юм байна. Өглөөг мэдээж өөдрөг бодлоор эхлүүлдэг. Ээж ааваасаа эрүүл саруул,  элэг бүтэн өссөнийх эерэг зүйлийг бодож, сайн сайхныг бүтээхийг хүсдэг. Итгэл сэтгэлээр дүүрэн өглөөг эхлүүлдэг дээ.

Манайх "InnovStyle" компани франчайзинг бизнес эрхэлдэг юм. Загварын INNOV Style сэтгүүлийн маань намрын дугаар нийтлэгдлээ. Олон улсын загварын трендүүдийг Монголынхоо нийгэмд таниулж, залуучуудад дэлхийн загварын чиг хандлагын талаарх шинэ содон мэдээ мэдээллүүдийг хүргэж, урлагийн нарийн мэдрэмж төрүүлэх, шинэлэг амьдралын хэв маягийг бүрдүүлэх, соён гэгээрүүлэх зорилгоор сэтгүүлээ улирал тутамд гаргаж байна. 

Манай компани Бүтээлч менежментийн институт гэх шинэ төслөө эхлүүлээд байна. Хувь хүн болон байгууллагуудад зориулсан олон улсын жишигт суурилсан практик ур чадварыг дээшлүүлэх, үйлчилгээний стандарт, соёл, бүтээгдэхүүн хөгжүүлэлт болон хувь хүний стиль имижийг бүрдүүлэх чиглэлүүд гээд худалдааны салбарт байж болохуйц олон төрлийн зөвлөх үйлчилгээнүүдийг хүргэхээр зорилт тавьж ажиллаж байна. Ерөнхийдөө консалтинг, зөвлөх үйлчилгээ гэж ойлгож болно. 

Би их өөдрөг хүн. Цаг ямагт эргэн тойрондоо баяр баясгалан, сайн сайхан зүйлийг түгээж явахыг хичээдэг. Дотоод хүн маань энерги сайтай, их өөдрөг. Ямар байх нь тухайн хүнээс шалтгаална. Миний аз жаргалын тарни гэхээс илүүтэй Энэрэл гэдэг хүнээс аз жаргалын тарни бусад хүнд яаж хүрэх нь чухал юм болов уу. Өөртөө итгэх итгэл зөв байх ёстой. Тэгэхээр тухайн хүний өөртөө хандах байдал, хийж бүтээж байгаа зүйл, мөн бусаддаа нөлөөлж байгаа нөлөөлөл нь аз жаргалын тарни болдог гэж бодож байна. 

Итгэл, сэтгэл, зүтгэл. Энэ гурав миний баримталдаг зарчим. Аливаа зүйлийг хийхдээ итгэл, сэтгэлээр дүүрэн бас тууштай зүтгэлтэй байх ёстой. Залуучууд маань хамгийн түрүүнд зорилгоо тодорхойлох ёстой. Тэгээд зорилгынхоо төлөө зүтгэх ёстой.