Өглөө 07.00-07.30 цагт босч хамгийн түрүүнд ажилчдынхаа чат руу “Өглөөний мэнд” гэж бичээд, урмын үгтэй ишлэлүүд явуулдаг. Дараа нь охиндоо өглөөний цайг нь бэлтгэж өгөөд ажил руугаа явдаг даа. 

Миний хувьд өглөөний хамгийн эхний бодол чухал гэж боддог. Сэрэнгүүтээ хамтран ажиллагсдадаа урмын үг өгөх гоё ишлэлүүдийг интернэтээс хайж олоод бусадтайгаа хуваалцана. Өдрийн турш явуулсан ишлэл шигээ байхыг, үлгэр дууриалал болохыг хичээдэг.   

Төлөвлөсөн хэд хэдэн уулзалттай. Миний ажлын онцлог гэвэл гэнэтийн уулзалтууд ихтэй. Өнгөрөгч хавар үл хөдлөх хөрөнгийн зуучлагч нар Монголын зах зээлийн 8 хувьд хүрч ажилладаг. Үүний 5 хувьд нь REMAX-чууд хүрдэг гэсэн статистик тоотой байсан. Өчигдөрхөн надад имэйлээр үл хөдлөх хөрөнгийн зуучлагч нар Монголын зах зээлийн 18 хүртлэх хувьд хүрч ажиллаж байна гэсэн сайхан мэдээ ирсэн. 

“Эзэн хичээвэл заяа хичээнэ. Энэ үг миний амьдралын аз жаргалын тарни. Хүн эхлээд зорилгоо тодорхойлоод ямарваа нэгэн зүйлийг тууштай хийвэл заавал амжилтад хүрдэг.  

Залуучуудыг шинэ зүйлд өөрийгөө сорих зоригтой, зорилготой, тууштай байж тархиа үргэлж цэнэглэж яваасай гэж хүсдэг. Өөрийнхөө хамгийн сайн хувилбар нь байхыг хичээгээрэй гэж хэлье.