Би хоёр охинтой аав хүн. Өглөө манай хоёр яг 6:30 цагт сэрүүлэгтэй юм шиг сэрдэг. Тэгээд л босоод албандаа явна шүү дээ. Эхнэр бид хоёр ажилдаа, нөгөө хоёр маань цэцэрлэгтээ явдаг.

Өмнөх өдрийн орой гэхэд маргааш хийх бүх уулзалт, ажлын 90 хувь нь тодорхой болсон байдаг. Ямартай ч “пижигнүүлээд” өгнө гэсэн бодолтой босч ирдэг. Хамгийн эхний хийх ажлууд өндөг чанах, хоёр хүүхдэдээ каш хийж өгөх, тэднийг хооллох гээд л байнга давтагддаг ажлаар л эхэлнэ дээ. 

Өнөөдөр би нийгэмд хандсан ажилд хамтдаа оролцъё гэж хэд хэдэн эрдэмтэнтэй уулзахаар төлөвлөж байна. Манайд өнөөдөр тулгараад байгаа зүйл бол Таван толгойн түлштэй холбоотой асуудал. Уг асуудлыг нэг талд нь гарган шийдэж, иргэдийн айдсыг арилгаж, мөн агаарын бохирдлыг зайлшгүй бууруулах хэрэгтэй байгаа юм. Агаарын бохирдлыг бууруулах асар том ажилд өөрийн гэсэн хувь нэмрээ оруулахын төлөөх төлөвлөсөн ажлуудаа урагшлуулна даа.

Би “Чөлөө учрал бий бол хүн та өөрөө хичээх хэрэгтэй” гэдэг үгэнд дуртай. Энэ үгийг анх надад нэг найз маань хэлж байсан юм. Өдөр бүр олддог боломж асар их. 

“Гурван улсын түүх” роман дээр “Man proposes, heaven disposes” гэж буюу орчуулбал “Хүн төлөвлөж хичээдэг, харин тэнгэр хэрхэхийг мэднэ” гэдэг. Хэрхэхийг тэнгэр мэддэг, харин тултал чармайхыг залуу хүн та мэдээрэй гэж хэлмээр байна.