Тухайн өдөр ямар ажилтайгаас шалтгаалж, босох цаг өөр байдаг. Өглөө бүр өөр ажил төлөвлөдөг юм. Эрт босохыг нэг их чухалчилдаггүй. Орой илүү бүтээмжтэй ажилладаг.

Төлөвлөсөн ажлуудаа бүгдийг нь амжуулна гэж боддог.

Өнөөдөр хоёр хүнтэй уулзаж гэрээ хийнэ. Мөн шинэ салбарынхаа тохижилттой танилцах төлөвлөгөөтэй байгаа. Монгол түмний хамгийн өргөн тэмдэглэдэг цагаан сарын баяр болох дөхсөн тул "Цагаан сар"-д зориулсан загваруудаа гаргахаар ажиллаж байна. Энэ загваруудаа маш өвөрмөц, сайхан загвар болно гэдэгт итгэлтэй байна. 

Миний аз жаргалын тарни бол хоёр сайхан үрээ үнсэх юм. Хүүхдүүдээсээ өдрийн өөдрөг бодол, эрч хүчийг авдаг. Хоёр үрээ тэврээд үнэсэхээр сэтгэл нэг л сайхан болчихдог. 

Бүх сайхан  зүйлийн эхлэл нь эерэг хандлага гэж боддог. Аливаад чин сэтгэлээсээ ханддаг бол сайхан бүхний эерэг урсгалыг өөртөө татдаг юм шиг санагддаг. Хийж байгаа ажилдаа эзэн байж, хүний юм хийж өгч байна гэсэн сэтгэлээр бус өөрийнхөө төлөө ажиллаж байгаа гэдгээ мэдэрч, тууштай бөгөөд шаргуу хөдөлмөрлөөрэй гэж зөвлөмөөр байна.