Ихэвчлэн өглөө 08:00 цагт босдог. Өдрийг эрч хүчтэй эхлүүлэхийн тулд босоод шар тостой хар кофе уудаг. 

Өнөөдөр их олон ажлыг амжуулна гэсэн бодлоор эхлүүлдэг. 

Өнөөдөр нэг хайртай найздаа гэнэтийн бэлэг барихаар төлөвлөсөн. Ажлын хувьд энэ сарын 1-нд анхны бие даасан уран бүтээл болох "Солонго үүл" УСК-ныхаа нээлтийг хийсэн. Энэ киногоороо дамжуулан нийгэмд өгөхийг хүссэн мессежээ бүрэн гүйцэт хүргэж чадсан гэж бодож байна. Эмэгтэй хүний эрх чөлөөг хэн ч хязгаарлах ёсгүйг киногоороо харуулахыг зорьсон.

Бүх зүйлийг эерэгээр харах дуртай. “Би чадна” гэж өөрийгөө урамшуулдаг.

Залууст цаг үетэйгээ хөл нийлүүлэн алхаж, хурдтай, хүчтэй, бусдад хэрэгтэй хүн байгаарай гэж зөвлөмөөр байна. Жүжигчин мэргэжлээр сурч буй дүү нартаа “Мэргэжлээ зөвхөн сонирхлоороо бус өөрийн эд эс, бие махбодиороо мэдрээрэй” гэж хэлэхийг хүсч байна.