Ихэвчлэн 05:00 цагт босдог. Өглөөний цайгаа тогтмол ууж хэвших нь эрүүл мэндэд тустай. Тиймээс өглөө бүр гэрийнхээ ойролцоох талхын дэлгүүр рүү явж, хүнсээ цуглуулдаг. 

Төлөвлөсөн бүх ажлаа амжуулна гэсэн бодлоор өглөөг эхлүүлдэг. Мөн мод тарих ажилд маань оролцож, тусалж байгаа сайхан сэтгэлт хүмүүсийн и-мэйл, чатыг уншиж хариулдаг. 

Өнөөдөр Германд амьдрах визээ сунгуулна. Энэ жил "Нэг хайлаас 1000 төгрөг" аянг өрнүүлж байна. Өнгөрсөн жил Баянзүрх хайрханд 1080 шинэс модыг суварга хэлбэртэй тарьсан бол энэ жил шинэс моднуудаа хүчтэй салхи, мөндрөөс хамгаалж, 7440 хайлаасаар хүрээлнэ. Энэ онд байгаль орчинд ээлтэй маш олон ажлуудыг хийхээр төлөвлөсөн. Хүүхэд, залуусыг байгаль орчноо хайрлан хамгаалах дадлыг эзэмшүүлэх "Goethe" институтын дэмжлэгтэй бүтээгдсэн "Ой модны нууцлаг амьдрал" номоо өлгийдөн авсан. Ирэх зун мод тарих гэж буй газрынхаа хашааг хэрхэн хийх шийдлээ олж харсан.

Болно, бүтнэ, чадна гэж өөртөө урам өгдөг. Тарьсан моднууд маань өндөр гоё ургахыг хараад бүх зовлон, бэрхшээлээ умартдаг. 

Залуусаа сурч, хөдөлмөрлөж, хуримтлал бий болгох дадлыг өөрт суулгаарай. Эдгээр дадлыг залуу насандаа төлөвшүүлэхгүй бол дараа нь хичнээн харамсаад ч цаг хугацааг ухраах боломжгүй. Тэгэхээр цагийн юмыг цагт нь хийж хэвшээрэй.