Өглөө ихэвчлэн 06:00 цагт сэрдэг. Бага байхдаа нойронд их сайн байсан. Харин одоо ажил ихтэй учраас хангалттай нойр авах боломж ховор болсон. Унтахынхаа өмнө ажлаа төлөвлөөд сурчихсан учир ажилдаа гарахаас өмнө бэлдэх зүйл бага. Тэгэхээр өглөөний цайгаа уух, иог хийх цаг хангалттай гардаг. 

Өглөөний сэтгэл хөдлөл өдөржин үргэлжилдэг учраас өглөөг эерэг бодлоор эхлүүлэхийг хичээдэг. Ажлын өдөр бие, сэтгэл санаа таагүй сэрвэл өөртөө бага ч гэсэн цаг гаргахыг хичээдэг. Аливаа юмыг хойш тавих дургүй. 

Сүүлийн хэдэн сар ажилласан судалгааны тайлангаа гаргах төлөвлөгөөтэй ажиллаж байна. Аль ч салбарт бидний үеийн мундаг, чадалтай залуус олширсон. Гэхдээ ажлын байран дээр эмэгтэй хүнийг эрчүүд нь эмэгтэй гээд, бүсгүйчүүд нь "залуухан" гээд үнэлэхгүй тохиолдол ихээхэн ажиглагдах болсон. Бие биенээ хүндэлж, баг болж ажилласнаар энэ хандлага өөрчлөгдөнө хэмээн найдаж байна.

Ямар нэгэн тарниас илүү хайртай хүмүүс болон мөрөөдөл, зорилгоо бодож өдрийг эхлүүлдэг.

Хэн нэгэнд таалагдах гэж хичээх хэрэггүй. Өөрөөрөө бай гэж зөвлөхийг хүсэж байна.