Өглөө 06:25 цагт босдог. Өглөөний цайгаа уучхаад ажилдаа гарна. Орой унтахаасаа өмнө маргааш өглөөнийхөө бэлтгэлийг хангадаг учраас өглөө тайван, эрч хүчтэй сэрдэг. 

Өнөөдөр ямар ажил хийх төлөвлөгөөтэй байгаа, ажлынхаа хажуугаар хэрхэн өөрийгөө хөгжүүлэх вэ хэмээн бодож, сэрдэг. Учир нь ажил дээрээ ихэнх цагаа өнгөрөөдөг болоxоор ганцxан зүйлд анхаарлаа хандуулах дургүй. 

Гуравдугаар сарын төлөвлөгөө, зорилтуудаа гаргана. Мастерт сурах сургууль руугаа өөрийн болон дүүгийнхээ өргөдлийг явуулахаар төлөвлөсөн. Мөн сүүлийн үед хийх ажил маш их байгаа. Ажлынхаа хажуугаар ядарсан ч хамаагүй өөрийгөө хөгжүүлэх олон зүйлсийг судалж, олон ажлыг зэрэг амжуулахыг эрмэлздэг. 

"Өнөөдрийг өөрөө бий болгоно. Би бүхнийг хийж чадна" гэж хэлэх дуртай. "Хааяа шантрах үедээ толинд хараад зүгээр дээ бүх зүйл сайхан болно тэвчээртэй байгаарай би чадна" хэмээн өөрийгөө урамшуулдаг. 

Залуу хүн зорилгогүй байж болохгүй. Юу ч тохиолдсон түр зуурынх байдгийг бүү мартаарай. Зоригтой, зорилготой, тууштай байвал нэг л өдөр амжилтад хүрэх боломжтой. Тиймээс өөртөө итгэлтэй, идэвхтэй, байгаарай.