Өглөө 06:00 цагт босч, хүүхдүүддээ өглөөний цайг нь бэлдэж өгнө. Дараа нь өөртөө багахан цаг зарцуулж, кофегоо уучхаад ажилдаа гардаг. 

Хоёр үрээ тайван, амгалан унтаж буйг харах нь бүх зүйл сайн сайхан, амжилттай явахын эхлэл болдог.

Дэлхий дахинд шинэ коронавирусийн халдвар ихэсч буй учраас ихэнх улс орон өндөржүүлсэн бэлэн байдалд шилсэн . Энэ ч утгаараа хийж буй ажлууд маань үүнтэй холбоотой. Эрсдлийн харилцаа холбооны чиглэлээр мэдээ мэдээлэл , зөвлөмж сэрэмжлүүлэг өгөх болон энэ хүрээнд бодлогын асуудлуудыг боловсруулах, санал өгөх гэх мэт ажлуудыг хийнэ. 

"Амжилт" гэдэг үгнээс урам авч, бусдад эрч хүч түгээхийг хичээдэг. 

Залуу хүн завгүй байх тусмаа их зүйл амжуулдаг. Тэгэхээр өөрийгөө завгүй байлгаж, сурч хөдөлмөрлөхөд илүү цаг гаргаарай. Өнөөгийн нийгэмд үгүйлэгдэж буй хамгийн чухал зүйл бол хүн чанар, шударга байдал гэж боддог. Тэгэхээр бусдыг хүндэлж, уучлалт гуйх чадвартай байгаараа хэмээн залуустаа зөвлөе.