Өглөө 7:00 цагт босч, хүүхдүүдийнхээ өглөө, өдрийн хоолыг бэлддэг. Ажил маань өдөр эхлэдэг учраас ойр зуурын ажлуудаа амжуулна. 

Шинэ эрч хүчээр, хамгийн сайханыг бодож, бүх зүйлд чин сэтгэлээсээ хандана хэмээн бодож эхлүүлдэг. 

Эх орондоо шинэ зүйл таниулж, нэвтрүүлье гэсэн зүрх сэтгэл үргэлж буцалж явдаг болохоор байгалийн засал эмчилгээний нэг төрөл болох “Цэцгийн шүүдэр охь засал” гэсэн ном хийхээр судалгаа, орчуулгын ажлаа эхэлсэн. Энэ талаар эрчимтэй судалж, бодитой туршлагуудыг хуримтлуулан, ирээдүйд монголдоо нэвтрүүлж, засал хийх төлөвлөгөөтэй ажиллаж байна. 

Тохиолдож буй бүхнээ “Бэлэг” хэмээн хүлээн авч, ямар ч асуудал тулгарсан талархан хүлээж аваад хэсэг зуур бодоход заавал шийдэл нь гарна гэж боддог.  Энэ нь миний аз жаргалын тарни юм уу даа. Эсвэл уулзан учирсан тэр ч байтугай зөрөн өнгөрөх хүн болгон ч утга учиртай. 

Үл үзэгдэгч энерги ертөнцөд байдаг бөгөөд усанд шингэн, талсждагыг Японы эрдэмтэн судлаад баталсан байдаг. Сайхан үг хэлэхэд усны талсжилт маш гоёмсог, үзэсгэлэнтэй байхад муу, муухай үг хэлэхэд  хар бараан, намаг шалбааг шиг хэлбэр дүрсгүй зунгааралдсан дүрсээр биежсэн байдаг. Үүнтэй адил хүний биеийн 70-80 хувь нь шингэнээс бүрддэг тул дандаа өөдрөг сайхан үг хэлж байвал тухайн хүний энерги, хийморь нь гал цогтой байдаг. Үүнийг л залуучууддаа захин хэлмээр байна.