Миний ажил болон хүүхдүүдийн маань хичээл 8:30 цагт эхэлдэг тул хичээл эхлэхээс дор хаяж нэг цаг 30 минутын өмнө босдог. Бүгд босоод ажил, хичээлдээ явахаар бэлдэж, цайгаа уучхаад хамт гардаг даа. Хүүхдүүд маань дунд ангид сурдаг тул бие дааж, өглөөний бэлтгэлгэлээ хийдэг болсон. Бага анги, цэцэрлэгт байхад нь илүү эрт босож бужигнацгаадаг байлаа. Хөл хорионы дэглэм тогтсоноос хойш манай гэрийн өглөөний хуваарьт өөрчлөлт орсон. 

Өдөр өдрөөсөө шалтгаална даа. Өглөө сэрчихээд орондоо таван минут орчим хугацаанд тухайн өдрийн ажлуудаа бодож, төлөвлөдөг. 

Ковид-19 халдвараас үүдэн манай улсын хөрөнгийн зах зээл болон манай байгууллагын үйл ажиллагаанд хэрхэн нөлөөлж байгаа, үүнтэй уялдуулж ажиллах төлөвлөгөөг эцэслэж ТУЗ-даа танилцуулж, шийдвэр гаргуулах чухал ажил бий. 

Мөн манай зах дээр “Хөрөнгөөр баталгаажсан үнэт цаас”, “Хаалттай нэгж эрхийн сан” зэрэг шинэ бүтээгдэхүүнүүд гарч, арилжаалагддаг болох боломж нээгдсэн. 

Энэ төрлийн бүтээгдэхүүн гаргах гэж байгаа болон сонирхож байгаа компаниудтай ажил хэргийн уулзалтууд хийж , зах зээл дээр шинэ төрлийн бүтээгдэхүүн гаргах ажлуудыг хийнэ. Ер нь манай байгууллагын хувьд зах дээр шинэ бүтээгдэхүүн гарах нөхцөл бүрдсэн, төлбөр тооцооны Т+2 хэмээх олон улсад хэрэглэгддэг шинэ горимонд шилжсэн зэргээр ажлууд маань урагштай явж байна.

Шантарч, бууж өгөхгүйгээр аливаа ажлыг бүтээхийн төлөө зүтгэ. Болохгүй байвал аргаа өөрчлөөд ахиад үзээд алд гэж л өөртөө хэлдэг.

Өөрийгөө битгий гол. Хүн өөртөө л итгэж байвал бусад хүмүүс ч чамд итгэдэг юм шүү гэж зөвлөе.