Хөл хорио тогтоохоос өмнө хүүхдүүддээ өглөөний цайг нь бэлдэж өгчхөөд, сургуульд нь хүргэж өгдөг байсан. Дараа нь өглөөний 09:00 цагт ажилдаа явж, бүжгийн бэлтгэлээ хийдэг байсан. 

Коронавирусийн цар тахлаас үүдэн ажил маань түр зогссон. Өнөөдрийн байдлаар өглөө кофегоо чанаж уучхаад, бичлэгний бэлтгэлээ хийж байна. 

Өглөө бүр эерэг зүйлсийг бодож , сайхан цагийг мөрөөдөж байна. 

Энэ долоо хоногт Америкийн элчин сайдын яам болон Монголын урлагийн зөвлөлийн хэрэгжүүлж буй "Урлагийг таны гэрт" хөтөлбөрт уригдан оролцоно. Удахгүй олон улсын бүжгийн өдөр болох гэж байгаа учраас "Нүүдлээр хөглөхүй" бүжгийн тоглолтын бичлэгээ онлайнаар үзүүлэхээр ажиллаж байна.

Чин сэтгэлээсээ хүс, өөдрөг бай, инээмсэглэ. 

Залуусаа бие биедээ урмын үг харамгүй хэлж, зорьсон зорилгодоо үнэнч, тууштай, амжилттай байх нь аав, ээжийнхээ ачийг хариулж буйн нэгээхэн хэсэг юм шүү.