Өглөө 06:30-07:00 цагийн хооронд босдог. Тогтмол өглөө бүр амжуулдаг ажил гэвэл шинээр ирсэн мэйл, фейсбүүкийн чатаа шалгаж, хариу илгээдэг.

Өглөөг аль болох өөдрөгөөр л эхлүүлэхийг хичээдэг. Өнөөдрийн ажлууд бүгд бүтнэ, болно гэсэн эерэг бодлоор эхлүүлдэг.

Өнөөдөр шинэ долоо хоног эхэлж байна. Зөв хүн электорат эвсэлийн маань УИХ-д нэр дэвшигчдийг тодруулах долоо хоног байгаа. Тэгэхээр маргааш үүний дагуу төлөвлөгөөт ажлуудаа хийнэ. 

Тухайн өдрийг өөдрөгөөр эхлүүлэхийн тулд өглөө босоод л "инээх" хэрэгтэй. Өглөө заавал ороо хураах хэрэгтэй гэдэг бас чухал дадал. Энгийн өдөр тутмын үйлдэл болох шүд, нүүр, гараа угаачихаад толиндоо хараад инээж бүх зүйлийг сайхнаар эхлүүлэх хэрэгтэй.

Монголчууд бид 3 сая гаруйхан хүн бий. Хүн төрөлхтний ололт, амжилтаас суралцахын тулд тухайн хэл дээрх мэдээллийг судлах шаардлагатай. Бид англи хэл сурч байж, дэлхийн хэмжээний мэдлэгийг олж авна гэсэн үг. 

Тиймээс залуучуудыг англи хэлийг аль болох эрчимтэй, өндөр түвшинд сураарай гэж зөвлөмөөр байна.