Найзууд, гэр бүлээрээ агаарт гарах, зугаалах үед улиг болсон сэндвич, кимбаб хийсээр байна уу? Тортилла гурил ашиглан хүн бүрд тохирсон ороомгийг хийж болно гэвэл итгэх үү? Бэлтгэхэд хялбар,  гарын доорх материалаа ашиглаж, авч явахад, идэхэд хялбар жорыг хүргэж байна. Хүнсний дэлгүүрүүдээр бэлэн гурил худалдаалдаг болсон тул бүр амархан.

• Тортилла гурил 
• Туна
• Цоохор майлз/celery
• Ногоон сонгино
• Газрын самар
• Улаан амтат чинжүү
• Майонез
• Гич
• Салатны навч

Дээрх орцыг өөрийн хүссэнээр тохируулан холино. Тортилла гурил дээр хольцоо түрхэж, салатны навчыг жижиглэн тарааж өгнө. Үүний дараагаар дөрвөн талаас нь орооно. 

• Нүдэлж шарсан өндөг
• Цөцгийн тосонд шарсан бууцай
• Шарж, жижиглэсэн зайдас
• Түрхдэг бяслаг
• Тортилла гурил

Хэрэв зугаалгадаа өглөөний цайгаа уугаагүй гарсан бол энэ жор яг тохирно. Хөргөгчид байдаг орцыг ашиглан хийснээр санхүүд хэмнэлттэй. Тортилла гурил дээрээ бяслагаа түрхэн орцоо байршуулна. Ороомгоо ороосны дараагаар хайруулын таваг дээр хоёр талаас нь хайрснаар бяслаг нь хайлж илүү амттай ороомог бэлэн боллоо.

• Байцаа
• Гриллдсэн тахиа
• Чеддар бяслаг
• Ranch салатны амтлагч
• Buffalo соус

Байцаанаас томхон хэсгийг авч доторх нь унахааргүй байхаар хоёр, гурван хэсгийг давхарлан байршуулна. Чеддар бяслаг, гирллдсэн тахиаг байцаа дээрээ тавьж buffalo соус, ranch амтлагчийг түрхэж өгнө. Гадуур нь хүнсний цаасаар ороосноор идэхэд илүү хялбар болж өгнө. Гурилаас татгалзаж байгаа бол уг жороор хийж үзэхийг зөвлөж байна.

• Тортилла гурил
• Чанасан үхрийн мах, жижиглэж хэрчсэн
• Үрсэн лууван, бяслаг
• Хүссэн ногоон байцаа
• Түрхдэг бяслаг

Тортилла гурил дээрээ та хүссэн бяслагаа түрхэнэ. Лууван, бяслаг, мах, байцаагаа байршуулж орооно. 

Энэ мэтчилэнгээр та хүссэн орцоороо хийх боломжтой учраас дараагийн удаа зугаалгад явахдаа тортилла ороомог хийхийг санал болгож байна. Дэлгүүрийн бэлэн хоолноос өөрийн гараар хийсэн хоол хамаагүй амттай бөгөөд эрүүл байдаг тул бүү залхуураарай.