1. Тольтой зураг

Бүтээлч зураг авахад толь хамгийн шилдэг туслах хэрэгсэл болно. Ихэнх хүмүүсийн гэрт дугуй, дөрвөлжин хэлбэрийн толинууд бий. Түүнийгээ биеийнхээ нэг хэсэг дээр төвлөрсөн зураг авах зэргээр ашиглаж болно. 

Алдартай одуудын зургийг харвал жижиг толинд өөрийн бэлхүүс, нүүрний хэсгээ түлхүү авсан байдаг. 

2. Орны даавуу ашиглах

Гэрээс хялбар олдох зүйл бол орны даавуу. Нэг өнгийн, цулгуй цайвар, минимал хэв маягийн орны даавууг зурганд төрөл бүрээр ашиглах боломжтой. 

Мөн та цулгуй хананд өлгөн арын дэвсгэр болгон ашиглаж болох юм. Ихэвчлэн цулгуй цагаан өнгийн даавуу сонговол хамгийн тохиромжтой бөгөөд энэ нь зургийг илүү тод гэрэлтсэн бас цэвэрхэн харагдуулна.

3. Цэцэгс

Цэцэг нь зурганд өнгө нэмэн, гоёмсог харагдуулна. Цэцэгсийн дунд байх эмэгтэй хүн хамгийн ялдам, үзэсгэлэнтэй харагддаг. 

Цэцгээр баглаа боох, хананд наах эсвэл дэлбээг агаарт шидэх зэргээр бүтээлч зургууд авч болно.

4. Хоол болон шингэн хүнс

Гэртээ зураг авахад ашиглах өөр нэг гайхалтай хэрэгсэл бол хоол болон шингэн хүнс юм. Та үүнийг яаж ч ашиглах боломжтой бөгөөд хэр бүтээлч хандахаас шалтгаална.

Хоолтой зураг авах зарим санаа:

• Гоймон идэх
• Зүссэн жимс ашиглах
• Шингэн зүйл соруулаар уух
• Мөхөөлдөс эсвэл шилэн аягыг долоох
• Пицца ашиглах /хазах, гартаа барих, нүүрэн дээрээ тавих, ширээн дээр тавих зэргээр/

5. Чүдэнзтэй хөрөг

Чүдэнзийг хөрөг зураг дээр ашиглавал үнэхээр өвөрмөц харагддаг. Гэхдээ өөрийгөө гэмтээхээс болгоомжлоорой.

6. Банн дотор хөгжилдөх

Баннтай усанд орох үедээ та бүтээлч зураг авч болно. 

Усанд уусдаг өнгийн бөмбөлөг, жимс,  тайвшруулах цэцэгсээр баннаа дүүргэж дунд лусын дагина мэт зураг дараарай.

7. Поларойд

Портрэйт зураг авах өөр нэг хөгжилтэй санаа бол поларойдоор нүүрээ хүрээлүүлэх. 

Төрөл бүрээр байрлуулж үзэн өөрт таалагдсанаар зургаа аваарай.

8. Цаасан дүрс

Цаасыг өөрийн хүссэн хэлбэр гарган хайчилбар хийгээрэй. 

Жишээлбэл: дээрх зураг дээр гэрлийг од хэлбэрээр хайчилсан цаасаар арьсан дээр тусгасан байна. Нарны гэрэлгүй үед гар утасны гэрлээ ашиглаж болно.

9. Торон хөшиг

Нарны гэрэл цонхны цаанаас тусах үед амжиж зураг аваарай.

Нимгэн хөшигний сүүдрийг бие дээрээ ойлгоход гоёмсог нэхээс нь бие дээр тусч урлагийн бүтээл мэт л харагдана.

10. Том цонх

Хэрвээ таны өрөө том цонхтой бол энэ нь бүтээлч зурагтай болоход туслах бас нэг гоёмсог орчин болно. Ороо цонхны дэргэд байрлуулан, байгалийн гэрэлд зураг авахуулаад үзээрэй. Танд таалагдах нь мэдээж.

11. Шилэн аягатай ус

Хөгжилтэй, хэвшмэл хэв маягийг эвдсэн зүйлд хүмүүст яг тохирно. 

Дээрх жишээ зургийг хараарай. Хөгжилтэй байгаа биз…

12. Проектор ашиглах

Танай гэрт проектор байдаг бол та маш азтай байна. Учир нь төрөл бүрийн дүрс, зураг хананд ойлгон өөрөө наана нь хүссэнээрээ жүжиглэх боломж танд олдоно. 

Ой мод, тэнгэр, сансар огторгуй гээд хүссэн газраараа аялаарай.

13. Гялтганасан саа болон будаг

Нүүр, биеэ гялтганасан саагаар чимэглэн, өнгийн будгаар хүссэн зургаа зурах нь ямар ч нэмэлт чимэг хэрэггүйгээр таны зургийг гайхалтай болгоно.

14. Цонхны цаана

Нар шингэх үед гэрлээ асаан цонхны цаанаас зураг авахад цонхон дээр туссан зөөлөн гэрэл, өнгө нь дулаан мэдрэмжийг төрүүлдэг. Та ч бас туршаад үзээрэй.

15. Өнгийн хана

Гоё, өнгөлөг хана дээр зураг авах нь зургийн өнгийг сэргээхэд хүртэл урамтай.

Нэгэнт л бүтээлч зураг авахаар шийдсэн бол өөрийн өрөөний нэг ханаа зураг авалтын талбай болгож яагаад болохгүй гэж. 

Ханаа дуртай өнгөөрөө будан дээр нь өөр өнгөөр жижиг чимэглэл зурж өгөөрэй.