МОНОС ХҮНС ХК 4,000 гаруй хувьцаа эзэмшигчдийнхээ хөрөнгө оруулалтаар “Эрүүл Мэндийн Ус Ундааны үйлдвэр”-ийг ашиглалтад оруулжээ.  

Нийт 1,700 гаруй метр квадрат талбайд үйл ажиллагаа явуулах энэхүү үйлдвэр нь олон улсын чанарын удирдлагын тогтолцоо ISO 9001:2015, хүнсний аюулгүй байдлын HACCP, үйлдвэрлэлийн зохистой дадал GMP зэрэг стандартуудыг хангах олон улсад хүлээн зөвшөөрөгдсөн хамгийн сүүлийн үеийн техник технологиудаар тоноглогдсон бүрэн автомат үйлдвэр гэдгээрээ онцлогтой юм.

Тус үйлдвэр нь иргэдийн эрүүл мэндийг дэмжсэн "Экос" зөөлөн ус, "Цэнэг" эрүүл мэндийн бэлдмэл болон бусад шинэ бүтээгдэхүүнүүдийг үйлдвэрлэх юм байна.