Дэлхийн эрүүл мэндийн байгууллагын судалгаагаар 2018 онд 9.6 сая хүн хорт хавдрын улмаас нас баржээ. Хорин жилийн дараа гэхэд дэлхийн хорт хавдрын эрсдэл 60 хувь нэмэгдэж, буурай орнууд 81 хувьд хүрэх магадлалтай хэмээн ДЭМБ шинэ тайландаа дурджээ. 

Жил бүр зургаан хүн тутмын нэг нь энэ шалтгаанаар нас бардаг. Харин өндөр хөгжилтэй орнуудад умайн хүзүүний хорт хавдрын тохиолдол олон бүртгэгдсэн. 

АНУ гэх мэт өндөр хөгжилтэй орнуудад хорт хавдраас сэргийлэх зорилгоор тамхины хэрэглээ буурч буйг “Хавдар судлалын олон улсын агентлаг” хэлж байна. Тамхинаас үүсэлтэй уушгины хорт хавдар нь нас баралтын тэргүүлэх шалтгаан болсон хэвээр байгаа аж. 

ДЭМБ-ийн халдварт бус өвчний судалгааны ажилтан André Ilbawi хэлэхдээ: “Хорт хавдар бол маш үнэтэй өвчин. Хатуухан хэлэхэд цаазын ялтай бараг адил" гэж тодорхойлжээ. 

Тиймээс ч тайландаа эмчлэхээс илүүтэй урьдчилан сэргийлэх, байнгын үзлэгт хамрагдах зэрэг нь хамгийн чухал гэдгийг онцолжээ. 

Эх сурвалж: CNN