Олон нийтийн сүлжээн дээр зураг нийтлэл оруулахаас эхлээд хүмүүсийн өмнө ярих, том уулзалтад орох, танихгүй хүмүүстэй уулзахад эвгүйцэх мэдрэмж төрдөг биз? Энэ бол хүмүүсийн үзэл бодлоос айх айдас буюу FOPO (Fear of Other People’s Opinion) юм. 

Хүмүүс сүргээр амьдардаг эрт цагт энэхүү зөн нь биднийг эвтэй нийцтэй байлгахад хэрэгцээтэй байсан бол энэ мэдрэмж нь орчин үед эрүүл бус хэнхэглэл болжээ. FOPO нь стресс үүсгээд зогсохгүй таны чадвар чадамжийг онц ноцтойгоор бууруулдаг.

Тэгвэл бусад хүмүүсийн таны үнэлэмжид хэрхэн автахгүй байх вэ?

Юун түрүүнд та өөрийн бие хүнд анхаарлаа төвлөрүүлэх хэрэгтэй. Хүмүүсийн сөрөг нөлөөллийн эсрэг таны дархлаа болох зүйлс нь таны өөрийн гэх философи, харах өнцөг байх учиртай юм. Та дараах зүйлсийг өөрөөсөө асуу:

• Би ямар үед хамгийн үр бүтээлтэй байдаг вэ. Би тэр үедээ оюун бодлын ямар төлөвт байдаг вэ?
• Надтай ижил ертөнцийг үзэх үзэлтэй, шинж чанар ойролцоо ямар хүмүүс байна вэ. Тэр хүмүүс яагаад надад таалагддаг вэ?
• Намайг зоригжуулж эрч хүч өгдөг ямар үгс байдаг вэ?

Эдгээр асуултын хариултыг цуглуулан бич. Энд хамгийн олон давтагдсан түлхүүр үгүүдээс бүрдсэн хүчирхэг ишлэл нь таныг хөдөлгөгч зарчмууд болох юм. Эдгээр үгийг өөртөө шингээх нь танд хэрэггүй “чимээ шуугиан”-ыг дарж, сэтгэлээр унах үед чиглүүлэгч зам болж өгнө.

Өөрийн эрэлхийлэн тэмүүлэх цэгийг ийнхүү тодорхойлсноор та гутранги дорой үедээ сэтгэлээ өөд татах гарцтай болох юм.

Эх сурвалж: Harvard Business Review