Хүний хүсэл мөрөөдөл хязгааргүй. Үүнийгээ хүн төрөлхтөн анх үүссэн цагаасаа эхлэн нотолсоор ч иржээ. Итали зураач, артист Гвидо Даниэлогийн уран бүтээл тун өвөрмөц. Тэрээр зургаа хүний гар дээр зурж, амилуулснаараа дэлхий дахинаа алдаршиж чадсан нэгэн юм. 

Нэг зураг зурахад 2-10 цаг зарцуулдаг байна. Хамгийн гол нь энэ хугацаанд гар ямар ч хөдөлгөөнгүй байх ёстой.      

Гвидо хамгийн анх уран бүтээлээ туурвиж эхлэх үеэр өөрийнхөө гар дээр зурдаг байжээ.  

Ихэвчлэн ан амьтан, шувууны болон өөрийн төсөөллийн ертөнцийг ашиглан амилуулсан зургууд нь хэсэг хугацааны дараа дэлхийн урлагт дурлагсдын сонирхлыг ихээхэн татах болжээ. 

Үүний дараагаар Гвидод маш олон зар сурталчилгааны компани ажлын байр санал тавьсан байна. 

Тэрээр энэ үеэс эхлэн түүний зургууд өндөр үнээр үнэлэгдэж, их хэмжээний орлого олох болов.