Хэрэв та зай, талбай багатай орон сууцандаа тав тухыг бий болгохыг хүсч байвал дараах санааг хэрэгжүүлээрэй. 

Нью-Йорк, Токио гэх мэт хүн ам ихтэй хотуудад орон сууцнуудын зай, талбай бага байдаг. Тиймээс коронавирусийн хөл хорионы улмаас удаан хугацаанд гэртээ байгаа энэ үед өөрт тохирсон тав тухыг бий болгох нь чухал юм. 

Үүнтэй холбогдуулан интерьер дизайны сургуулиуд ч бага талбайг хэрхэн ашиглах талаар хичээлүүдийг түлхүү оруулах болжээ. Энэ талаар АНУ-ын алдартай дизайнер Azby Brown ийнхүү зөвлөж байна.

• Жижиг буланг ч ашиглах хэрэгтэй: /Гэрийнхээ жижиг буланд утсаар ярьж болохуйц хэсэг гаргаж ч болох юм. Үүнийг хэн нэгэн зочлон ирсэн үед утсаар ярих, видео дуудлага хийх тохиолдолд бусад хүн таны ярианд оролцохгүйгээр шийдэх боломжтой. Гэрийнхээ нэг хэсгийг тусгаарлахын тулд заавал хана хийхийн оронд хөшиг татаж болох юм./
• Хананы өнгийг тохируулах: /Цайвар өнгө нь илүү зай талбайтай харагдуулдаг ч заавал нэгэн хэвийн цагаан байх албагүйг санаарай./
• Таазны өнгө: /Харин эсрэгээрээ таазны өнгө бараан, хар байх нь илүү өндөр харагдуулдаг аж./
• Нүсэр, том тавилганаас зайлсхийгээрэй: /Япончууд том сандал, ширээ тавихаас илүүтэй шалыг илүүтэй ашигладаг аж. Тиймээс зөөлөн дэвсгэр, хивс зэргийг байрлуулж, том тавилгаас аль болох зайлсхийх хэрэгтэй./

• Толь ашиглах: /Том толь байршуулах нь таны гэрийг илүү цэлгэр харагдуулж болох сонирхолтой санаа юм./
• Хэрэгцээгүй олон зүйлсээс татгалзах: /Нэг их хэрэглэдэггүй ч хаяж бас болдоггүй зүйлс тагтан дээр хадгалаастай байдаг шүү дээ. Хэрвээ та жижиг талбайтай байранд амьдардаг бол эдгээр хэрэггүй зүйлсийг хадгалахаас татгалзаарай./
• Том сувинер, ханын зурагнаас татгалзах: /Хэрвээ би жижиг байранд амьдардаг байсан бол нүсэр, том сувинер болон хэт том ханын зурагнаас татгалзах байсан. Тиймээс жижиг, чамин зүйлс нь илүү дээр./
• Номнуудаа цэгцэл: /Орчин үед хүмүүс өөрийн гэсэн номын сантай болохыг эрмэлздэг болсон. Гэсэн хэдий ч замбараагүй, олон ном гэрийн үзэмжид муугаар нөлөөлдөг./