Кока коланы лонх (1915)

Хамгийн их борлуулалттай ундааны сав

 Дизайнер: Alexander Samuelson

1915 онд "Кока кола" компани хаана ч өөрийнх нь нүүр царайг илтгэх шинэ лонхны загвартай болохыг хүсжээ. 

Үүний дагуу Швед гаралттай дизайнер Alexander Samuelson-ы гаргасан загвараар бүх цаг үеийн хамгийн их борлуулалттай лонх үүссэн түүхтэй. 

Ur-Leica зургийн аппарат (1923)

Фото сурвалжлагын эхлэлийг тавьсан зургийн аппарат

Дизайнер: Oscar Barnack

Энэхүү 35мм-ийн линзтэй жижиг оврын аппаратыг зохион бүтээхээс өмнө томоохон зураг авалтуудад хуучны нүсэр аппарат ашигладаг байжээ.

Оскар Барнак гэх эрхмийн бүтээсэн уг камерын ачаар өнөөгийн фото сурвалжлагын эхлэл тавигдсан ба цаашлаад хүмүүс хувьдаа зураг авах боломжийг олгожээ.

Pavillon de l’Esprit Nouveau (1925)

 Модернист барилгын үндсийг тавьсан анхны барилга

Дизайнер: Le Corbusier 

Швед, Франц гаралтай архитектурч “Байшин бол дотор нь амьдрах зориулалттай машин гэсэн үг” гэж хэлж байжээ. 

Энгийн шийдэлтэй авч хээнцэр тансаг байдлыг цогцлоосон ба уран барилгын хөгжилд ихээхэн үүрэг гүйцэтгэсэн гэдэг.

Duralex Picardie-ийн стакан (1927)

Олон талаараа ашигтай

Энэхүү стакан нь Францаас гаралтай. Унагасан ч хагарахгүй бат бөх, мөнхүү барьж уухад ч эвтэйхний дээр өвөрмөц загвартай.

Лондонгийн метроны маршрутын зураг (1931)

Хамгийн шилдэг графикан маршрут

Дизайнер: Harry Beck

1930-аад оны үед Лондонгийн зам тээврийн зураглал хамгийн шилдэг нь байжээ. Хүмүүс тээврийн хэрэгслийн чиглэлүүд хоорондоо хэрхэн холбогдож байгааг мэдэхийг хүсдэг байсан бөгөөд үүнийг нь гярхай ажигласан дизайнер Harry Beck ийнхүү хялбарчилсан зургийг гаргажээ.

CH24 сандал (1949)

Хамгийн төгс сандал

Дизайнер: Hans J.Wegner

Данийн худалдаачин түшлэгтэй сандал дээр сууж байгаа хуучны зургуудыг харж энэхүү сандлыг хийх сэдэл төрсөн гэдэг. Харин энэ сандал одоо дэлхийн стандарт болсон байна.

Braun SK4 пянз тоглуулагч (1956)

Нарийн ур хийц бүхий загвар

Дизайнер: Dieter Rams, Hans Gugelot

Дугуй хавтанд дуу хуулан бичих боломжтой болсноор хүн төрөлхтөн дуу хөгжимд илүү ойрхон болсон. Хэдий гар утаснаасаа эсвэл хөгжмөөр хүссэн цагтаа дуу сонсох боломжтой ч хүмүүс одоо ч пянзанд дурласаар л байна.

Спутник хиймэл дагуул (1957)

Хамгийн анхны хиймэл дагуул

Дизайнер: Sergei Korolev

Хүйтэн дайны үед АНУ, ЗХУ-ын хооронд хйисэн сансрын өрсөлдөөн хүн төрөлхтөнд олон шинэ нээлтийг авчирсан билээ. Дэлхийн тойрог замыг даган эргэлдэх анхны хиймэл дагуулаа зохион бүтээх үедээ Сергей Королев сайн ажиллагаатай байхаас гадна загвар дизайныг ч орхигдуулаагүй аж.