Шинэ жилийн баяраар охид, бүсгүйчүүд өөрт тохирсон чамин, ганган даашинзын “эрэл”-д гардаг. Гэвч өөрт тохирсон даашинзаа тэр бүр худалдан авч чаддаггүй. 

Тэгвэл “Lustre” брэнд энэхүү онцгой баяраар бусдаас илүү дэгжин харагдахыг хүссэн бүсгүйчүүддээ зориулан загварын чиг хандлагыг хадгалсан энгийн болоод эрхэмсэг хэв маягтай коллекцоо гаргажээ. 

Үдшийн даашинз гэдэг хэзээд сонгодог хэв маягт хамаардаг. Тэгвэл “Lustre” брэнд хар, цагаан өнгийг шинэ жилийн коллекцийнхоо “трэнд” болгосон байна. 

“Анхны коллекцийн энэхүү даашинзууд энгийн хэрнээ дэгжин, тансаг, сэтгэл татам байж, бүсгүй таны гоо үзэсгэлэнг илүү тодотгож өгнө” хэмээн тус брэндийнхэн бүтээгдэхүүнийхээ талаар онцолсон юм. 

“Lustre” брэнд баярын коллекцдоо сонгодог хэв маяг бүхий өнгөлөг, мөр ил гарсан даашинзуудаас гадна дэгжин, чамин алтан шаргал нөмөргөн пиджак хүртэл багтаажээ. Өнгөлөг, гялтганасан, тансаг эдгээр даашинзыг та 139000-369000 төгрөгөөр худалдан авах боломжтой аж.