Дэлхийн эм үйлдвэрийн салбарын топ хоёр тоглогч болох Sanofi болон GlaxoSmithKlin компани COVID-19-ийн эсрэг вакцин бүтээхийн төлөө гар нийлэн, хамтран ажиллахаар болжээ. 

Тэд шинэ вакцинаа энэ онд багтаан эмнэл зүйн туршилт буюу хүний биед туршина. Харин 2021 оны хоёрдугаар хагас гэхэд бэлэн болгохоор төлөвлөж байгаа аж. 

Дэлхийн эрүүл мэндийн байгууллагын мэдээлснээр цар тахлын аюул авчраад буй шинэ төрлийн коронавирусийн эсрэг гурван вакциныг одоогоор эмнэл зүйн туршилтын шат буюу хүний бие дээр турших ажил ид үргэлжилж байгаа. Мөн 67 нэрийн вакцин эмнэл зүйн туршилтын өмнөх шатандаа байгаа ажээ.