Төрсөн өдрийн тоо нь хүний амьдралд ихээхэн том үүрэг гүйцэтгэдэг бөгөөд таны зан ааш, онцлогийг илтгэдэг. Төрсөн өдрийн тоогоор ирээдүйг урьдчилан таамаглаж болдог.

1, 10, 19, 28-нд төрсөн хүмүүс:
Таны эрч хүч их бөгөөд тогтмол, хэн ч үүнд халдаж чадахгүй. Амьдралын явцад гарсан томоохон өөрчлөлтөд дасан зохицоход маш хэцүү байдаг. Таны гэрлэлт эв найрамдалтай, найз нөхрийн, хамтрагчийн байдалтай байна. Олон хүн таныг хүндэлдэг ч зарим нь таны эсрэг байдаг. Гэхдээ энэ нь тэд танд хайргүй гэсэн үг биш юм. Өөртөө тохирсон хүнийг олох гэж уддаг.

2, 11, 20, 29-нд төрсөн хүмүүс:
Хэрвээ та эдгээр тооны нэгэнд төрсөн бол таны хувьд юу чухал вэ гэдэг талаар бодох хэрэгтэй. Та багаасаа л аливаа асуудлаас зөв гарцыг олж харахдаа муу байсан бөгөөд үүндээ анхаарах цаг болжээ. Багаар ажиллахдаа сайн. Ихэвчлэн та тайван бус байдаг бөгөөд гэхдээ нэг дор олон зүйл хийж чаддаг. Сул тал: бодлогогүй. Давуу тал: ажил хэрэгч, уян хатан.

3, 12, 21, 30-нд төрсөн хүмүүс:
Эдгээр тоонуудад төрсөн хүмүүс алдартай хөгжимчид, зохиолчид, жүжигчид гээд алдартай хүмүүс болох магадлалтай байдаг. Та үүнийг хийж чадах бөгөөд танд итгэдэг хүмүүсийн дэмжлэгийг авах хэрэгтэй. Энэ 4 тоонд төрсөн хүмүүсийн дотор өөр хэн нэгэн оршиж байдаг. Та эмзэг, гэхдээ далайн шуурга, том нуранги шиг байж чадна.

4, 13, 22, 31-нд төрсөн хүмүүс:
Таны хувь тавилан бол таны гэр бүл юм. Цусан холбоотой хүмүүстэйгээ ойр байдаг. Та дүн шинжилгээ, математик, гадаад хэл судлахдаа сайн. Та гайхалтай удирдагч, сэтгэл судлаач, асар их дотоод хүч чадалтай хүн. Сэтгэл санааны хувьд тийм ч тогтвортой хүн биш хэдий ч тэр нь давуу тал болж байдаг.

5, 14, 23-нд төрсөн хүмүүс:
Энэ өдөр төрсөн хүмүүс үнэхээр олон талын чадвартай байдаг. Бусад хүмүүст байдаггүй онцгой зүйл танд бий. Та төрөлхийн сэтгэл судлаач, тэр ч бүү хэл та шинжлэх ухаан судлаад амжилт олоогүй зүйлийг ярилцаж буй хүндээ төвөггүйхэн ойлгуулж чаддаг. Маш сайн багш болж чадна.

6, 15, 24-нд төрсөн хүмүүс:
Та бол удирдагч. Гэхдээ бүх зүйл таны гарт байгаа гэж бодох хэрэггүй. Та бусдын санаанд оромгүй бодлогогүй зүйл хийдэг. Заримдаа та өөрөө үүнийгээ санадаггүй. Та чухал асуудалд маш хянуур ханддаг ч бусад хүмүүст байдаг шиг мэдрэмж танд байдаггүй. Энэ нь ихэнхдээ харилцаан дээр ажиглагддаг. Та бол маш сайн шинжээч.

7, 16, 25-нд төрсөн хүмүүс:
Маш туршлагатай, шилдэг сэтгэл судлаачид 7,16 эсвэл 25-нд төрсөн байдаг. Зурхайд тэмдэглэснээр эдгээр хүмүүс маш ухаалаг. Ямар ч ойлгомжгүй байдалд орсон хүнийг та л ойлгож чаддаг. Маш өндөр эрчих хүчтэй хүмүүс.

8, 17, 26-нд төрсөн хүмүүс:
Ер бусын онцгой хос шинж чанартай. Нэг талаас та маш их гүн ухааны шинжтэй асуулт асуудаг, харин нөгөө талаас та өөрийгөө цэвэр материаллаг зантай байх ёстой гэж үздэг. Дэлхий ертөнц таны хувьд сайн бус муу зүйлийг бүтээхийн төлөө байгаа зүйл. Тиймээс та эргэн тойронд байгаа сайн болон муу хүмүүстэй харилцахдаа ичдэггүй.

9, 18, 27-нд төрсөн хүмүүс:
Та маш хүчирхэг зөн совинтой, түүнийгээ хөгжүүлэх боломж их хүн. Та өөрийнхөө сонирхол, амьдралын дүрмүүдийг өөрчилж чадна. Та яг л салхи шиг тул нэг газраа удаан тогтож чаддаггүй. Энэ тоонд төрсөн хүмүүсээс маш сайн аялагч, эрдэмтэд төрөн гардаг. Та маш өргөн мэдлэгтэй бөгөөд сайн сайхан түүх үлдээж чадах хүн.

Эх сурвалж: Энергийн хүч номноос