Амжилттай залуу энтрэпрэнерүүд, өсвөр насны саятныг хараад өөрийгөө гарааны бизнес эхлүүлэхэд дэндүү оройтсон юм шиг санагдаж байна уу? 30, 40, 50 насныхныг шинэ зүйл хийхэд нэгэнт хожимдсон гэж хүмүүс хэлээд байна уу?

Гарааны бизнес эхлүүлэхэд залуу бус, харин ч нас нэмэгдэх тусам амжилт гаргах магадлал  нэмэгддэгийг дэлхийн хамгийн шилдэг их сургуулиудын нэг Массачусетсийн Технологийн Институт тогтоожээ. Хөгшин байх нь “ашигтай” гэдгийг тэд зүгээр ч хэлсэнгүй. 2.7 сая орчим гарааны бизнесийн үр дүнгийн үзүүлэлтийг харьцуулж гаргажээ.

25 настантай харьцуулахад амжилттай гарааны бизнес эрхлэх магадлал нь:

30 настай бол x1,3

40 настай бол x2.1

50 настай бол x2,8

60 настай бол x3,8дахин их гэнэ.

Хүний нас нь сайн удирдагч байхтай хамааралтай бөгөөд тэр чадвар нь гарааны бизнесийн амжилтыг тодорхойлдог байна.

Тэдний хэлж буйгаар шинэ санаанаас илүү, амжилттай гүйцэтгэл чухал гэнэ.

Өөрөөр хэлбэл, хэтийн төлөв, чиг хандлагаа мэдэх нь чухал ч түүндээ хүрэхийн тулд яг юуг хийх нь дутахгүй чухал аж.

Үүнийг насны ялгаагаар тайлбарлавал – урт хугацааны мэргэжлийн болон амьдралын туршлага дээр үндэслэсэн төлөвлөлт, шийдвэр гаргах чадвар нь бизнесийг ч, манлайлагчийг ч амжилттай болгодог байна.

Тиймээс та гарааны бизнес эхлүүлэх, шинэ санаагаа ажил хэрэг болгоход хэзээ ч оройтохгүй нь.

Танд амжилт хүсье!