Мөнгө санхүү аль ч цаг үед хүний “эмзэг сэдэв” байсаар ирсэн. Орчин үед хэнээс санхүүгийн зөвлөгөө авах вэ хэмээн шаналж суух хүн үгүй биз ээ. Учир нь энэ зуунд та хаанаас ч ямар ч аргаар хүссэн мэдээллээ олж чаддаг болсон.  Энэ нь ч хүнийг мөнгө санхүүгээ зохицуулахад улам дөхөм болсоор байгаа. Харамсалтай нь “сайны хажуугаар саар” гэгчээр их мэдээ мэдээлэл эргэлдэх чинээгээр буруу мэдээлэл түгэх нь бий. Тэдний ихэнх нь хүнд зөвлөгөө болохын оронд сэтгэлээр унагаж байдаг. Ингээд мэргэжилтнүүдийн зүгээс доорх нийтлэг 4 санхүүгийн зөвлөмжийг дагахгүй байхыг сануулжээ.

Буруу зөвлөмж №1: 

Хүн бүхэн нарийн санхүүгийн тооцоотой байж чадахгүй. Өөртөө ашигтайг бүтээ Залруулга: “Make Money Your Honey: A Spirited Entrepreneur’s Guide to Having a Love Affair with Work & Money” номондоо зохиолч Аманда Абэлла хувь хүний санхүүгийн тооцоо нь тухайн хүний онцлогоос л шалтгаалах зүйл. Хүн бүр тооцоотой байж чадахгүй хэмээн бичсэн байна. Тэгвэл энэ буруу юм.

Санхүүгийн тооцоо гэдэг тийм ч ярвигтай, хязгаарлагдмал зүйл биш. Харин ч өдөр тутмын төлөвлөгөө гаргахтай л ижил асуудал.

Буруу зөвлөмж №2: Кредит картаас татгалз

Залруулга: Кредит карт нь өрөнд унагаж улмаар туйлдуулна хэмээн үзэн хүмүүс аль болох хэрэглэхгүй байхыг зөвлөх болсон. Гэтэл орчин үеийн дижитал ертөнцөд бид үүнээс аюулгүй мөнгө шилжүүлэх, зарцуулах арга олохгүй л болов уу. 

Кредит картад бурууг тохохоос өмнө та өөрийн хэнэггүй, хариуцлагагүй байдлаа засаарай. Сарын сүүлд гэнэт л их өртэй болчихсон байвал картны биш таны л буруу юм шүү.

Буруу зөвлөмж №3: Кредит картынхаа зээлийг хурдан төлж бай

Залруулга: Кредит картын зээл юу юугүй нэхэгдээд ирвэл бүгдийг шавхаж төлөх гэж яарах хэрэггүй. Зээлээ төлж хоосрохоос урьтаж хуримтлалдаа бага ч болов мөнгө хий. Нас өтлөх үед зөвхөн тэтгэврийн мөнгөөрөө санхүүгийн асуудлаа шийдэж чадахгүй байж болох тул багахан мөнгийг ч гэсэн хуримтлалдаа түрүүлж нэмэрлээрэй.

Буруу зөвлөмж №4: Зардлаа аль болох тана

Залруулга: Зардлаа хасах нь зөв ч бүх анхаарлаа үүнд битгий төвлөрүүлээрэй. Харин илүү их мөнгийг яаж олох вэ гэдэгт түлхүү анхаарснаар та зөв шийдэлд хүрэх болно. Зээлээ төлөхийн тулд мөнгөө хадгалдаг хүмүүс санхүүгийн тогтвортой болох үед шаналж эхэлдэг. 

Эрсдэлтэй аргаар мөнгө олох /хөрөнгө оруулалт, хувьцаа худалдаж авах г.м/ боломж олдох үед эрсдэлээс зугтан, өөртөө итгэх итгэлгүй болсон байдаг.

Бэлтгэсэн: Б.Номин

Эх сурвалж: fastcompany.com