Монголын сагсанбөмбөгийн шигшээ багийн тамирчин, 23 настай О.Дөлгөөний төлөө Монгол улс даяараа залбирч, сошиал орчинд уг мэдээлэл давлагаалж байна.

Тэрбээр 2019 онд Оюутны лигийн аварга болсон шагналаараа NBA-н финалын тоглолт үзэхээр АНУ-ыг зорьсон бөгөөд гэнэт бие нь муудаж элэгний дутагдал буюу элэгний ком гэсэн оноштойгоор АНУ-ын Калифорниагийн Их Сургуулийн дэргэдэх эмнэлэгт хэвтэн эмчлүүлж байгаа юм.

Дасгалжуулагчийнх нь тодорхойлсноор О.Дөлгөөн нь дөнгөж 23-хан настай ч амжилт ур чадвараараа бусдыгаа манлайлж буй тамирчин аж.

Тэрбээр өсвөрийн болон Оюутны тэмцээнүүдээс тогтмол медал авч байсан бөгөөд дараахь амжилтыг үзүүлж байжээ. Тухайлбал,

• 2017 онд МСБХ Дээд лигийн Мөнгөн медаль
• 2018 онд МСБХ Дээд лигийн Мөнгөн медаль. Тухайн жилдээ шигшээ багт дуудагдаж, Азийн наадамд оролцсон
• 2019 Оюутны лигийн аварга, Финалийн MVP Шагнал тус тус хүртсэн байна.

Одоогийн байдлаар түүний эмчилгээний зардалд буюу элэг шилжүүлэх суулгахад 900 орчим сая төгрөг хэрэгтэй байгаагаас 150 сая төгрөг цуглаад байгаа юм.  

Манай сайтын зүгээс хүн бүр сошиалд бичих гэж буй пост, сэтгэгдэлдээ #Pray4Dulguun хаштаг ашиглахыг уриалж байна. Нийтээрээ давлагаалснаар "Дэлхийн спортын сан"-гийн анхааралд өртүүлж, Монголын сагсан бөмбөгийн ирээдүй болсон тамирчин О.Дөлгөөнийг хөл дээр нь босоход хувь нэмэр оруулах юм. 

Тус сан нь ядуу буурай орны өсөх боломжтой тамирчны эмчилгээний зардлыг даахад тусламжийн гараа сунгадаг аж. 

Мөн түүнд дараахь дансаар хандив өргөх боломжтой. Тухайлбал,

Хандив өгөх данс

Candy: 99696974 дугаарт хандиваа илгээх (555 дугаарт 99696974 илгээх candy)
Хандивын данс: Хаан банк 5721081225
Хүлээн авагч: Л.Очбадрах
Холбогдох утасны дугаар: 99158191, 94028191 /эгч нарынх нь дугаар/