Африк тив нь 3,4 их наяд ам.долларын зах зээл бүхий 1,3 тэрбум хүн амтай 55 орныг багтаасан чөлөөт худалдаан бүстэй билээ. Тэгвэл тус зах зээл анх удаа өөрийн гэсэн гар утасны брендтэй болжээ.

Руанда улсын “Mara Group” дундаж түвшний хэрэглэгчдэд зориулан Android үйлдлийн системтэй Mara X (190 ам.доллар), Mara Z (130 ам.доллар) утас бүтээжээ. 

Тус улсад борлуулагдаж буй хамгийн хямд ухаалаг утас 37 ам.долларын үнэтэй байх бөгөөд Mara утасны Африкийн зах зээл дахь хамгийн том өрсөлдөгч Samsung компани юм.

“Бид Африк тивд үйлдвэрлэсэн анхны гар утсыг бүтээлээ. Утас бүр 1000 гаруй эд ангиас бүтдэг.”

хэмээн “Mara Group”-ийн гүйцэтгэх захирал Ашиш Таккар хэлсэн байна. 

Тэд утасны эд ангийг гаднаас импортолж, Египет, Этиоп, Алжир, Өмнөд Африк улсад угсардаг байна. Эдгээр үйлдвэрийг нийт 50 сая.ам долларын өртгөөр байгуулсан бөгөөд өдөрт 10 мянган гар утас үйлдвэрлэх хүчин чадалтай ажээ.