Хэл сурахад орчин чухал гэдэг. Гадаадад очоод хэл суръя гэж боддог бол байгаа газартаа хэл сурах боломжтой болжээ. Тэгвэл өөртэйгөө ижил сонирхолтой хүмүүстэй нэгдэн ярианы клубт нэгдэхийг санал болгож байна. Ихэнх ярианы клуб тогтмол хичээллэдэг учир чөлөөт цагаа хэл сурч, үр бүтээлтэй өнгөрөөхөд тань туслах юм.

• Collective Intelligence English Club:

Хичээл бүр нэг багшийн заавраар явагддаг. Өөртөө зорилго тавиад өдөрт цээжлэх үгийн тоог нэмэгдүүлж, өөрийгөө хөгжүүлэх боломжтой.

Хэзээ: Хагас сайн өдөр бүр 17:00-19:00 цагт уулзалт болдог

Хаана: СБД-ийн 5 хорооны Иргэний танхим. Өгөөжийн замын эсрэг талын 39-р байрны урд талд 4 ба 6-р байрны дунд хорооны байр байгаа. Баруун талаасаа Иргэний танхим руу ордог хаалга.

Төлбөр: Үнэгүй

• English Speaking club of EARC:

Ярианы чадвараа дээшлүүлэхийг хүссэн хүн бүхэнд нээлттэй хэлний мэдлэг, нас, түвшин үл хамаарах ярианы клуб.

Хэзээ:  Даваа болон баасан гараг бүр 17:00 цагаас

Хаана: Боловсролын зөвлөгөө мэдээллийн төв

Төлбөр: Бүртгэлийн хураамж 5000 төгрөг

• Ub English Speaking Club:

Таавар тааж, англи хэлнийхээ чадварыг сайжруулах боломжийг "UB English Speaking Club" олгох болно. Группийн гишүүд хоорондоо бооцоо тавин өрсөлдөж, хөгжилтэй аргаар англи хэл сурах боломжтой. 

Хэзээ: Фэйсбүүк группт мэдээлдэг. 

Төлбөр: Хамгийн багадаа 5000 төгрөгийн бооцоотой

• Boundless Education Speaking Club:

Тус хөтөлбөрт хамрагдсанаар өргөн хэрэглээний үгсээр үгийн сангаа нэмэгдүүлэх, мэтгэлцээнд оролцох, асуулт хариултын тэмцээнд орох, англи хэл дээр ном уншиж, ярилцах, илтгэл тавих зэрэг олон чадваруудыг эзэмшиж чадна.

Хэзээ: Бямба, Ням гарагийн аль нэгт буюу 7 хоногт 1 удаа 

Хаана: Чингэлтэй дүүрэг, 3-р хороо, Canon center

Төлбөр: VIP сургалт төлбөртэй. 

• Америкийн соёл мэдээллийн төвийн ярианы клуб:

"Америкийн тухай ярилцъя" цуврал хэлэлцүүлэг нь англи хэл дээр явагдах бөгөөд америк аялгатай ярьж сурахад үр дүнтэй.    

Хэзээ:  Пүрэв гараг бүрийн 18:00 цагт

Хаана: Улаанбаатар аотын төв номын сангийн дэргэдэх "Америкийн соёл мэдээллийн төв"-д 

Төлбөр: Бүртгэлийн хураамж 5000 төгрөг