"Англи хэлний академи"-ийн багш З.Ганчимэг англи хэл сурах амттай 5 зөвлөгөөг өглөө. 

1. Чихэр арга: Аливаа шинэ зүйлийг сурч эхлэхэд тухайн зүйлд дурлах, мэдрэх хамгийн чухал байдаг. Хүчилж биш дурлаж хий. 

2. Сэрүүлэгтэй цаг : Сэрүүлгээр бус хэл сурах урмаар цэнэглэгдэж сэр. Өглөө сэрж, орой унтах хүртлээ англи хэлээр амьсгалах боломжийг өөрт олгох хэрэгтэй. Англи хэл дээр дуу сонсох, кино үзэх, подкаст сонсох, өдрийн тэмдэглэл хөтлөх зэргээр өөрийгөө хөгжүүлээрэй.

3. Амжилтын тарни: "Би чадна" гэх эерэг бодлоор тархиа цэнэглээрэй.

4. Ёо-ёо тоглоом: Хэлийг алдаж , хэрэглэж байж сурдаг. Тиймээс алдсан ч шантралгүй үргэлжлүүлэн суралцсаар бай.

5. Компас буюу зам заагч: Таныг амжилтад хүрэхэд хэлний мэдлэг шаардлагатай гэдгийг өөрт байнга сануулж байх хэрэгтэй. Зогсолтгүй суралц. Харин урам зориг буюу “чихэр” –ээ үргэлж халаасалж яваарай.