Шинэ долоо хоног эхэлж буйтай холбогдуулан шинээр зарлагдсан 100 хувийн тэтгэлэгт хөтөлбөрүүдийг хүргэж байна. Герман, Англи, Бельги зэрэг өндөр хөгжилтэй орнуудад магистрын зэрэг эзэмших тэтгэлэгт хөтөлбөрийн мэдээлэлтэй танилцаарай.

Герман улсын Heinrich Boll сангийн магистр, докторын тэтгэлэг

Бүртгэл хаагдах хугацаа: 2020 оны  гуравдугаар сарын 1-нд

Суралцах газар: Герман

Товч танилцуулга: Heinrich Boll сангийн тэтгэлэгт хөтөлбөр нь тухайн сургуулийн элсэлтийн шалгуурыг хангаж чадсан, тус улсад суралцах хүсэлтэй гадаадын магистр, докторын зэрэг горилох оюутнуудад олгодог.

Хамрагдах боломжтой сургуулиуд: ХБНГУ-ын хэмжээнд хүлээн зөвшөөрөгдсөн их дээд сургуулиуд.

Тэтгэлэг юуг багтаах вэ:

Магистрын оюутнууд:

Гадаад оюутнууд: сар бүр 850 евро мөн олон төрлийн хувь хүний тэтгэмж,

Европын холбооны оюутан: Сар бүр 300 - 649 хүртэлх евро, сурах бичгийн зардал.

Энэхүү тэтгэлгийг суралцах хугацаанд тогтмол олгодог бөгөөд нэг улирлаар сунгах боломжтой.

Докторын оюутнууд:

-Гадаад оюутнууд: сар бүр 1,200 евро нэмэлтээр тэтгэмж сар бүр 100 евро.

-Европын холбооны оюутан: сар бүр 1350 евро, үүнд судалгааны зардлын тэтгэмж сар бүр 100 евро.

Тэтгэлгийг 2 жилийн хугацаатай олгодог. Тэтгэлгийн талаарх дэлгэрэнгүй мэдээлэлийг албан ёсны вебсайтаас аваарай.  

“IOE Centenary” магиструудыг дэмжих тэтгэлэгт хөтөлбөр”

Бүртгэл хаагдах эцсийн хугацаа: 2020 оны тавдугаар сарын 04-нд

Суралцах газар: Лондон хот

Товч танилцуулга: Магистрын зэрэг олгох USL боловсролын институтийн тэтгэлэгт хөтөлбөр. Онлайн сургалтууд нь тэтгэлэгт хамаарахгүй.

Зорилтот бүлэг: Бага эсвэл дунд орлоготой орны оюутнуудыг хамруулна.

Тэтгэлэгт багтах зүйлс:

Сургалтын болон оюутны байрны төлбөр.

Амьжиргааны болон аялах зардал багтахгүй.

Тавигдах шаардлага:

1.      Хөгжиж буй орны иргэн байна. /нэг хүнд оногдох үндэсний нийт бүтээгдэхүүн нь 8 мянган ам.доллараас багагүй байна/

2.      2020 оны есдүгээр сараас эхлэн Лондон хотын UCL боловсролын институтэд суралцах боломжтой.

3.      Өмнө нь Англи улсад сурч, амьдарч байгаагүй.

Тэтгэлгийн албан ёсны веб сайтаас дэлгэрэнгүйг уншина уу. 

“Фландер мужийн засгийн газрын магистрын тэтгэлэгт хөтөлбөр”

Материал хүлээн авах эцсийн хугацаа: 2020 оны дөрөвдүгээр сарын 30-нд

Суралцах газар: Бельги

Товч танилцуулга: Бельги улсад магистрын зэрэг хамгаалах хүсэлтэй  олон улсын шилдэг оюутнуудыг Фландер болон Брюссель хотуудад сургах тэтгэлэг олгодог.

Тэтгэлгийн тоо:  30 хүртэлх оюутан хамрагдах боломжтой.

Тэтгэлэгт хамрагдсан оюутнууд дараах сургуулиудад суралцана:

• KU Leuven / University of Leuven
• University of Antwerp
• Ghent University
• Hasselt University
• Vrije Universiteit Brussel

Их сургуулийн коллежууд /Шинжлэх ухаан/:

• · Antwerp Maritime Academy
• ·Artesis Plantijn University College Antwerp
• · Erasmus University College Brussels
• · Karel de Grote University College
• ·  LUCA School of Arts
• · PXL University College
• · University College Ghent

Хэн хамрагдах боломжтой вэ:

Олон улсын оюутнууд: Эдгээр улсын оюутнууд дараах квоттой. Япон (3), Мексик(3), Палестин (2), АНУ(5)

Тэтгэлгийн хэмжээ: Жилд 8 мянган евро хүртэлх тэтгэлэг олгоно.

Дэлгэрэнгүй мэдээллийг албан ёсны сайтаас авна уу. 

“Эрүүл мэнд болон олон улсын хөгжлийн чиглэлээр магистрын зэрэг олгох тэтгэлэг хөтөлбөр”

Материал хүлээн авах эцсийн хугацаа: 2020 оны дөрөвдүгээр сарын 27-нд

Суралцах газар: Англи

Товч танилцуулга: London School of Economy /LSE/ нь эрүүл мэнд болон олон улсын хөгжлийн чиглэлээр магистрын зэрэг олгох тэтгэлэгт хөтөлбөр. Энэ тэтгэлэг нь “Wellcome Trust”-ийн санхүүжилтээр, эрүүл мэнд-нийгмийн шинжлэх ухааны чиглэлээр сурах эрмэлзэлтэй оюутнуудыг дэмжих зорилготой.

Тэтгэлэгт хамрагдах сургууль: Лондонгийн эдийн засаг, улс төрийн шинжлэх ухааны сургууль

Тэтгэлгийн хэмжээ: Тэтгэлгийн дээд хэмжээ 31.088 фунт. Үүнд сургууль болон байрны төлбөр, амьжиргааны зардал багтана.

Амьдралын зардал, төлбөр, бусад хураамж зэргээс хамааран өөр өөр хэмжээтэй байх болно. Англи болон Америк улсын оюутны тэтгэлэг 17 мянган фунт, бусад орны оюутанд 9,344 фунтийн тэтгэлэг олгоно.

Тэтгэлэгт хамрагдсан оюутны судалгааны ажилд 3,333 фунтийн санхүүжилт олгоно.

Дэлгэрэнгүй мэдээллийг эндээс авна уу.