Коронавирусийн цар тахлын хөл хорионы энэ үеийг сошиал орчинд зорилгогүй хэсүүчилж, бараан мэдээллээр тархиа дүүргэж, бусдыг шүүмжилж өнгөрөөж байгаа юм биш биз?  

Энэ цаг хугацааг боломж болгон, боловсрол карьерээ шинэ түвшинд гаргах, танилын хүрээгээ тэлэхийг хүссэн танд зориулан дэлхийн шилдэг их сургуулиудын нэгдэл болох болох Ivy leage-ийн их сургууль болон дэлхийн топ 100  их сургуулиудад гэрээсээ, үнэ төлбөргүй суралцах боломжийг бид танилцуулж байна. 

Мөн та тодорхой хэмжээний хураамж төлж хамрагдсан сургалт, хичээл, хөтөлбөрийн дижитал сертификатыг авч CV-гээ баяжуулах боломжтой. Түүгээр ч үл барам зуун дамнан хүлээн зөвшөөрөгдсөн нэр хүндтэй их сургуульд зайнаас магистрын зэрэгт суралцах боломжийг олгож буй аж.

Ингээд та Харвард, Йел, Колумбын их сургууль, MIT, Стэнфорд болон дэлхийн бусад топ их сургуулиудын академик болон хувь хүний хөгжлийн 500 гаруй хичээлийг өөрийн боломж, цаг заванд тохируулан үнэгүй судлах энэ боломжийг бүү алдаарай.

Йелийн их сургууль-АНУ

Онцлог:

• Салбартаа тэргүүлэгч судлаач, эрдэмтдийн боловсруулсан хичээлийн хөтөлбөрөөс суралцана,
• Бүх хичээлийг Йелийн их сургуульд бэлтгэсэн бөгөөд видео /subtitle-тэй/, текс, аудио хэлбэрээр хадгалсан,
• Бүх хичээл нь өндөр нягтаршил бүхий видео болгон хадгалагдсан, та татаж авах боломжтой,
• Бүртгэлийн хураамж төлөх шаардлагагүй,
• Хичээлээ үнэгүй үзэх боломжтой бөгөөд сертификат авах бол нэмэлт төлбөр төлнө.

Суралцах чиглэл

• Эдийн засаг,
• Инженерчлэл,
• Био инженерчлэл,
• Физик,
• Англи хэл,
• Байгаль орчин судлал,
• Түүх,
• Математик,
• Урлаг судал,
• Философи,
• Улс төрийн шинжлэх ухаан,
• Сэтгэл судлал, Социологи,
• Испани хэл,
• Итали хэл болон уран зохиол судлал,
• Анагаах ухаан зэрэг шинжлэх ухааны бүхий л чиглэлээр суралцах боломжтой.

Энд дарж Йелийн их сургуулийн хичээлийг авна уу. 

Харвардын их сургууль-АНУ

Дэлхийн өнцөг булан бүрт байгаа хүмүүст зориулан Харвардын их сургууль 405 хичээлээ үнэгүй болгожээ. Та тус хичээлүүдийг авахын тул элсэлтийн хураамж төлөх шаардлагагүй бөгөөд хичээлүүдийн шаардлагыг хангаж, амжилттай дүүргэсэн тохиолдолд та төлбөрөө төлж сертификат авах боломжтой.  

Та

• Компьютер, 
• Дата шинжлэх ухаан, 
• Урлаг судлал, 
• Нийгмийн шинжлэх ухаан, 
• Хүмүүнлэг, 
• Бизнес, 
• анагаах болон эм зүй, 
• Математик, 
• Программчлал, 
• Боловсрол зэрэг бүх салбарын шинжлэх ухааны сургалтад хамрагдаарай.  

Онцлог:

• Хичээл дуусах хугацаа гэж байхгүй
• Гэрээсээ, хаанаа с ч суралцах боломжтой
• Дижитал сертификат авах боломжтой
• Заавал дээд сургууль төгссөн байх эсвэл суралцдаг байх гэсэн шалгуур байхгүй
• Насны хязгаар байхгүй

Хэрхэн бүртгүүлэх вэ:

Энэ холбоос дээр дарж price цэсийг сонгоод free  гэсэн сонголт дээр дарна.

Стэнфордын их сургуулийн онлайн хичээл 2020-АНУ

АНУ төдийгүй дэлхийд хүлээн зөвшөөрөгдсөн Стэнфордын их сургууль цахим хичээлээ үнэгүй болгожээ. Тус их сургуульд суралцахыг хүссэн хүн бүрт ижил тэгш боломж олгох зорилгоор хөл хорионы үед зарим чиглэлийн цахим хичээлээ үнэгүй болгожээ. Та тус сургуулийн хичээлээс суралцан 20 гаруй сая Стэнфордын оюутны нэг болоорой.

Та

• Био шинжлэх ухаан,
• Бизнес болон менежмент,
• Эдийн засаг,
• Байгалийн болон нийгмийн шинжлэх ухаан,
• Анагаах ухаан болон эм зүй,
• Математик,
• Хууль,
• Инноваци болон энтрепренёршип,
• Хүний эрх, хүмүүнлэг,
• Инженерчлэл, сэргээгдэх эрчим хүч,
• Боловсрол,
• Компьютерийн шинжлэх ухаан, статистик, дата шинжлэх ухаан,
• Дизайн,
• Урлаг, уран сайхан зэрэг чиглэл сонгон суралцах боломжтой.

Энэ холбоос дээр дарж үзнэ Free or paid гэсэн гэснээс Free сонголтоос хичээлээ сонгон судлаарай.

Массачусетсийн Технологийн /MIT/ их сургууль-АНУ

Математик, инженерчлэл, технологи, байгалийн болон, компьютерийн шинжлэх ухаан ба мэдээллийн системийн чиглэлээр дэлхийд нэгдүгээрт жагсдаг MIT-гийн их сургуульд орон зай, цаг хугацаагаар хязгаарлагдахгүйгээр онлайнаар суралцах боломжийг олгож буй. 

Та хүсвэл төлбөр төлөөд сертификат авч cv-гээ баяжуулаарай. Та хичээлүүдийг онлайнаар болон татаж авч судлах боломжтой.

Та энд дарж дамжина уу. 

Берклигийн их сургууль-АНУ

10 гаруй салбар сургуулийн бүрэлдэхүүнтэй, судалгааны системээрээ дэлхийд тэргүүлэгч Калифорнийн Берклигийн их сургуулийн үнэ төлбөргүй, цахим хичээлүүдээс суралцаж карьерээ шинэ түвшинд хүргээрэй.

Онцлог:

• 50 гаруй үнэ төлбөргүй хичээлийн санг агуулсан,
• Хичээл үнэ төлбөргүй, дуусах хугацаа гэж байхгүй тул та хүссэн үедээ хаанаас ч суралцах боломжтой,
• Калифорнийн их сургуулийн мэргэшсэн чадварлаг судлаачдын боловсруулсан хөтөлбөр, судалгааны ажилтай танилцах,
• Видео, аудио болон хадмалтай тул ойлгоход дөхөмтэй

Хичээлийг чиглэл

• Блокчэйн технологи
• Аз жаргалын шинжлэх ухаан
• Биткойн болон цахим валют
• Маркетингийн аналитик-1,2
• Дата шинжлэх ухаан судлалын суурь-1,2,3
• Сэтгүүлчдэд зориулсан англи хэл -1,2
• Сошиал медиад зориулсан бичвэр
• Өөрчлөлтийн төлөөх сэтгүүл зүй
• Нийтийн удирдлагын бодлогын шийдэл
• Үр ашигтай бизнес нийтлэл
• Эссе хэрхэн бичих вэ

Энд холбоосоор албан ёсны веб сайт руу нэвтэрнэ үү.

Queensland-ын их сургууль-Австрали
Дэлхийн топ их сургуулийн жагсаалтад 48-д ордог Queensland-ын их сургууль Австрали төдийгүй дэлхийн өнцөг булан бүр дэх оюутнуудад сурах ижил боломж олгон богино хэмжээний цахим хичээлүүдээ үнэгүй болгожээ. 

Тус сургуулийн мэдээлэл технологийн Uqx хөтөлбөрт гэхэд л хоёр сая гаруй хүн бүртгүүлжээ. Хамгийн гол нь сертификат олгодог юм байна.

Мэргэжлийн чиглэл

• Бизнес
• Нийгмийн шинжлэх ухаан
• Анагаах ухаан, эм зүй
• Урлаг, дизайн
• Хувь хүний хөгжил
• Хүмүүнлэг
• Инженерчлэл
• Боловсрол, заах арга зүй
• Компьютерийн шинжлэх ухаан

Онцлог:

• Дэлхийн топт тооцогдох тус сургуулиас дижитал сертификат авах боломжтой
• Бүртгэлийн хураамж, төлбөрөөс чөлөөлнө.

Та энэ холбоосоор нэвтэрнэ үү.

Birmingham-ын их сургууль-Их Британи

Та дэлхийн топ 100 сургуульд зүй ёсоор багтах Birmingham-ийн их сургуулийн хичээлийг судалж хөл хориог зовлон биш боломж болгож, дэлхийн шилдгүүдтэй мөр зэрэгцээрэй.

Birmingham-ын их сургуулийн онлайн сургалтын чиглэл:

• Урлаг болон хуулийн сургууль
• Анагаахын шинжлэх ухаан
• Амьдрал болон байгаль орчин судлал
• Инженерчлэл болон физикийн шинжлэх ухаан
• Нийгмийн шинжлэх ухаан

Та энэ холбоосоор тус сургуулийн албан ёсны веб хуудас руу дамжаарай