Улсын Онцгой комиссын Шуурхай штаб цаг үеийн асуудлаар мэдээлэл хийлээ.

Долдугаар сарын 28-ны өдөр УОК-ын хуралдаанаар шийдвэрлэсэн, наймдугаар сард хийгдэх тусгай үүргийн нислэгийн хуваарийг ГХЯ-ны Консулын газрын захирал Л.Мөнхтүшиг танилцуулав.

Ирэх сард нийт 8 чиглэлд 14 удаагийн нислэг үйлдэнэ. Олон улсын шилжилт хөдөлгөөний байгууллагын шугамаар Чех улсаас эх орондоо ирэх хүсэлтэй иргэдийг бүртгэж байгаа бөгөөд тэдгээр хүний тийз болон 21 хоногийн тусгаарлалтын зардлыг Чех улсын Засгийн газрын дэмжлэгтэйгээр бүрэн даахаар хэлэлцэж байгаа тухай мэдэгдсэн юм.

Чех улсаас 100 хүн эх орондоо буцах хүсэлт гаргасан байна.

Мөн тэрээр наймдугаар сарын тусгай үүргийн нислэгийн хуваарийг урьдчилсан байдлаар танилцуулсан бөгөөд зарим нислэгүүдийн талаар тодруулж дахин мэдээлэл өгнө. Түүнчлэн наймдугаар сарын дундуур, сүүлээр нэмэлт нислэг хийх боломжийг дахин судлаад тухай бүрд нь мэдээлнэ гэв.  

8 дугаар сарын тусгай үүргийн нислэгийн хуваарь урьдчилсан байдлаар:

• 8 дугаар сарын 1 - Сөүл
• 8 дугаар сарын 4 - Сиэтл, АНУ
• 8 дугаар сарын 6 - Энэтхэг
• 8 дугаар сарын 7 - Токио
• 8 дугаар сарын 8 - Франкпурт
• 8 дугаар сарын 10 - Чех
• 8 дугаар сарын 15 - Сөүл
• 8 дугаар сарын 20 - Истанбул, Турк
• 8 дугаар сарын 21 - Франкпурт
• 8 дугаар сарын 22 - Сөүл
• 8 дугаар сарын 24 - Токио
• 8 дугаар сарын 26 - Франкпурт
• 8 дугаар сарын 29 - Австрали