Сүхбаатар аймгийн засаг дарга М.Идэрбат БНЧУ–аас Монгол улсад суугаа онц бөгөөд бүрэн эрхт элчин сайд Ийржи Бродскийтай  албан ёсны уулзалтыг зохион байгуулав.  

Уулзалтаар аймгийн зүгээс хөдөө аж ахуйн бүтээгдэхүүн боловсруулах, технологи үйлдвэрлэлийг хөгжүүлэх, Чех улсын тэргүүн туршлагаас  судлах, тус улсын аль нэг муж хоттой хамтын ажиллагаа тогтоох талаар санал тавьсан ба Элчин сайдын зүгээс Монгол улсад хэрэгжүүлж буй төсөл хөтөлбөрүүд болон хөдөө аж ахуй, уул уурхай, эрчим хүч, усан хангамжийн салбарт хамтран ажиллах боломжийн талаар онцлон харилцан санал солилцов.

Цаашид сумдын бие даасан дулаан хангамжийн эх үүсвэр, ус цэвэршүүлэх салбарт  төр хувийн хэвшлийн хамтын ажиллагаанд үндэслэн хамтран ажиллахаар тохиролцлоо.