Уэльсийн гүнж Дианагийн 1985 онд өмсөж байсан үдшийн даашинз Холливудын дуудлага худалдаагаар 11 мянга 148 мянган доллар буюу 907 мянган фунтээр зарагдсан нь түүний нэг даашинзны үнээс 11 дахин их буюу хамгийн өндөр үнээр зарагдсан даашинзнуудынх нь дээд амжилтыг тогтоожээ. 

1.15 сая ам.доллар нь Монгол мөнгөөр 3 тэрбум 900 гаруй сая төгрөг юм. 

12 дугаар сарын 17-н буюу өнгөрсөн ням гарагийн орой болсон "Жулиений дуудлага худалдаа ба Тернерийн сонгодог кинонууд: Холливудын домог" нэртэй арга хэмжээний үеэр тус даашинз зарагдсан ба каталогт үүнийг "Үзэсгэлэнтэй, романтик балерины урт үдшийн даашинз" хэмээн тодорхойлсон аж.

Марокко гаралтай Британийн загвар зохион бүтээгч Жак Азагуригийн зохион бүтээсэн энэхүү хар, хөх өнгийн хилэн балетчин бүсгүйн урт үдшийн даашинзыг худалдан авагч хэн болох нь одоогоор тодорхойгүй байна.

Диана тэр үеийн нөхөр Чарльзтай хамт Флоренц хотод айлчлал хийн, хотын захирагчтай оройн зоог барих үеэрээ анх энэхүү даашинзаа өмсөж байсан түүхтэй. Түүнчлэн 1986 онд Ванкуверт болж өрнөсөн симфони найрал хөгжмийн тоглолтыг үзэхдээ дахин өмсөж байжээ.