Хотын дарга С.Амарсайхан баар, цэнгээний газруудын үйл ажиллагааг дахин тодорхойгүй хугацаанд хаах нь зүйтэй хэмээн үзэж байна.

Нийслэлийн Засаг даргын дэргэдэх зөвлөлийн хурлаар баар, рестораны үйл ажиллагааны талаар хэлэлцэж байна. УОК-ын Шуурхай штабаас архи, согтууруулах ундаа худалддаг, үйлчилдэг газруудын цагийн хуваарийг өөрчилж 07:00-22:00 болгох саналыг хотын захирагчид хүргүүлсэн.

Харин хотын захирагч С.Амарсайхан "Бид эдийн засгийг дэмжих, энэ салбарт ажилладаг 25 мянга гаруй иргэдээ ажилтай байлгах зорилгоор баар, цэнгээний газруудын үйл ажиллагааг нээсэн. Гэвч өнөөдрийн байдлаар халдварт өвчний эрсдэл давамгайлж байгаа тул цааш үйл ажиллагааг үргэлжлүүлэх боломжгүй боллоо" хэмээн мэдэгдлээ.