Эрүүл мэндийн яамны хэвлэлийн хурлын үеэр ХӨСҮТ-ийн ерөнхий захирал Д.Нямхүү өнөөдөр нэг хүн эдгэрч, нийт эдгэрсэн хүний тоо 15 боллоо хэмээн мэдээллээ.

ХӨСҮТ-ийн ерөнхий захирал Д.Нямхүү "Өнөөдөр нэг хүн эдгэрч эмнэлгээр гарлаа. Ийнхүү нийт 15 хүн эдгэрсэн байна. Удахгүй 2 хүн эдгэрэх төлөвтэй байна. Нийт 80 хүнд шинжилгээ хийхэд коронавирус илрээгүй байна. Алтанбулагийн боомтоор орж ирсэн 21 хүний шинжилгээнээс халдвар илрээгүй. Өнөөдөр ХӨСҮТ-д 102 хүн байна" гэв. 

ЭМЯ-ны Эмнэлгийн тусламжийн газрын дарга Я.Буянжаргал "Өнөөдрийн байдлаар 982 хүн байна. Нэгдүгээр сараас хойш 6235 хүнийг тусгаарлан, ажиглалтад хамруулжээ. Өнөөдрийн байдлаар 450 иргэн гэрийн тусгаарлалтад байгаа. Гурван удаагын нислэгээр Турк, ОХУ-аас иргэдээ татах үйл ажиллагаанд бэлтгэлээ хангаж байна" гэв.  

Нийт эдгэрсэн хүний тоо 15 боллоо

ЭМЯ-ны Олон нийттэй харилцах, тандалт шуурхай удирдлагын хэлтсийн дарга Д.Нарангэрэл "Дэлхийн 215 орны 4,2 сая хүн халдвар авч, 1,5 сая хүн эдгэрчээ. 119 тоот утсанд иргэд амны хаалтаа зүүхгүй байна гэсэн дуудлага их ирж байна. 

Ухань хотод хөл хориог сулруулсны улмаас нэг байранд 5 тохиолдол бүртгэгдсэн байна. БНСУ-д нэг залуу олон газраар явснаас үүдэн 62 хүн халдвар авсан байна" гэв. 

ОХУ-д 11 мянга гаруй тохиолдол шинээр бүртгэгдсэн байна. Нийт тохиолдлын 50 хувь нь нийслэл Москва хотод бүртгэгджээ. Австрали, Шинэ Зеланд гэх мэт улсууд хөл хориогоо сулруулж эхэллээ. Шинэ Уэльс улсад даваа гарагаас эхлэн танхимын сургалтуудыг нээлээ. БНСУ-ын Сөүл хотод шөнийн цэнгээний газраас үүдэн 94 тохиолдол бүртгэгджээ" гэв.