УОК-ын шуурхай штабын хэвлэлийн хурлын үеэр ГХЯ-ны Консулын газрын дарга Л.Мөнхтүшиг ОХУ-ын Улаан-үд хотоос 200 гаруй иргэнээ, Эрхүү хотоос 200 гаруй оюутнаа татан авахаар шийдвэрлэсэн хэмээн мэдээллээ. 

Мөн тэрээр "Дэлхийн 46 орноос 10686 иргэн эх орондоо ирэх хүсэлтээ гаргасан байна. Улсын онцгой комиссоос Турк, Энэтхэг улсад байгаа иргэдээ татахыг үүрэгдсэн. Маргааш УБ-Истанбул чиглэлийн нислэг хийж, 170 гаруй иргэдээ татан авна. 

ОХУ-ын Улаан-Үд хотоос 202 иргэнээ тавдугаар сарын 14-нд, Эрхүү хотоос 200 гаруй оюутныг 15-нд татан авахаар төлөвлөөд байна. Энэтхэг улсад байгаа иргэдээ тавдугаар сарын 18-нд Шинэ Дели рүү тусгай үүргийн нислэг хийж, иргэдээ татан авна" гэв.