Өчигдөр "Битгий давар" хэмээн дуу хоолойгоо илэрхийлсэн залуус өнөөдөр Сүхбаатарын талбайд ямаатай жагсаал хийлээ.

Засгийн газраас коронавирустэй холбоотойгоор ээлж дараалан хуралдаж, тодорхой шийдвэрүүдийг гаргасаар байна. УИХ-ын дарга Г.Занданшатарын шийдвэрээр байгуулагдсан ажлын хэсэг малчдыг дэмжих зорилгоор нэг кг ноолуур тутамд 20 мянган төгрөгийн урамшуулал олгох шийдвэр гаргасан. 

Үүний дараагаар мөн ЗГ-ын шийдвэрээр аравдугаар сарын 1-ныг хүртэл сар бүрийн хүүхдийн мөнгийг 100 мянган төгрөг болгосон. Энэ шийдвэр гарсны дараа "Хүүхдийг ямаанаас дор үзлээ" гэсэн шүүмжлэл олон нийтийн дунд гарсан. 

Тэд "Монголын төр залуучууд биднийг яамаанаас дор үзэж байна. Хүүхдүүдийг алагчилж, хүүхдийн мөнгө өгдөг хэрнээ ямаанд ямарч цензургүйгээр мөнгө өгч байна. Бид Засгийн газарт цаасаар шаардлага хүргүүлнэ" гэж мэдэгджээ.