ЭМЯ-ны хэвлэлийн хурлын үеэр ХӨСҮТ-ийн ерөнхий захирал Д.Нямхүү өнөөдөр хоёр иргэн эдгэрч, дараагийн ажиглалтад шилжсэн хэмээн мэдээллээ. 

Тэрээр "Өчигдөр 367 хүнд давтан шинжилгээ хийхэд бүх хариу нь сөрөг буюу коронавирус илрээгүй байна. Мөн хоёр хүн эдгэрч, дараагийн шат руу шилжлээ. Өнөөдрийн байдлаар ХӨСҮТ-д 180 хүн байна" гэв.  

Ийнхүү батлагдсан тохиолдлын тоо 140 болж, 26 иргэн эдгэрчээ.

ЭМЯ-ны Тандалт, шуурхай удирдлагын хэлтсийн дарга Д.Нарангэрэл "216 орны 4,8 сая хүн коронавирусийн халдварх авчээ. Сүүлийн 24 цагийн байдлаар 86 мянган хүн халдвар авсан байна" гэв.

Өнөөдрийн байдлаар 1769 хүн тусгаарлалтад байна

ЭМЯ-ны Гадаад харилцааны хэлтсийн дарга Б.Янжмаа "Бразил улсад батлагдсан тохиолдлын тоо 200 мянга давлаа. Харин Энэтхэг улсад 5200 гаруй тохиолдол шинээр бүртгэгдэж, нийт тохиолдлын тоо 100 мянга давлсан байна" хэмээн онцоллоо. 

ЭМЯ-ны Эмнэлгийн тусламжын газрын дарга Я.Буянжаргал "Нийт 7408 гаруй хүнийг тусгаарлан, шинжилгэнд хамруулсан байна. Өнөөдрийн байдлаар 1769 хүн тусгаарлалтад байгаа. Өнөөдөр 07:00 цагт Энэтхэгээс 158 хүн ирсний хоёрыг ХӨСҮТ-д тусгаарласан. 95 хүн гэрийн ажиглалтад байна" гэв.