Д.Ганзоригийг ерөнхий шүүгчид томилуулах саналыг ерөнхийлөгчид мэдүүлэхээр болжээ. 

Тэрээр 2019 онд Улсын дээд шүүхийн Ерөнхий шүүгчид нэр дэвшиж байсан. Д.Ганзориг нь 1976 онд төрсөн, УДШ-ийн Эрүүгийн танхимын шүүгчээр ажилладаг.  

Д.Ганзориг нь Монголын шүүх байгууллагад олон жил ажилласан туршлагатай бөгөөд Шүүгчдийн холбооны Улсын Дээд шүүхийн салбарын Удирдах зөвлөлийн гишүүнээр сонгогдон ажиллаж байсан нэгэн. Мөн чамлашгүй эд хөрөнгөтэй шүүгчдийн жагсаалтын тэргүүн эгнээнд жагсаж байсан юм.

Монголын шүүхийн байгууллагад олон жил ажиллаж байгаа тэрбээр 48316.03 сая төгрөгийн жилийн орлоготой бол Lexus-470, ланд-80, приус, дээр үеийн Газ 66 зэрэг машинууд түүний нэр дээр бүртгэлтэй байдаг. Мөн тэрээр бууны бүрэн цуглуулгатай хэмээн мэдүүлжээ.  

Тэгвэл толгой баян шүүгчдийн тоонд ордог Д.Ганзоригийг  Улсын дээд шүүхийн шүүгчээр томилох эсэхийг Ерөнхийлөгч шийдэх юм.