ЭМЯ-ны хэвлэлийн хурлын үеэр ХӨСҮТ-ийн Тандалт судалгааны албаны дарга А.Амбасэлмаа "Өчигдөр нийт 22 хүнд шинжилгээ хийхэд бүх сорьцноос коронавирусийн халдвар илрээгүй. Өнөөдөр нэг хүн эдгэрч, эмнэлгээс гарч байна. Ийнхүү нийт батлагдсан тохиолдлын тоо 141, эдгэрсэн хүний тоо 33 боллоо" хэмээн мэдээллээ.  

ДЭМБ-ын төлөөлөгч О.Ариунтуяа "Номхон далайн бүсэд халдварын тохиолдол хамгийн бага бүртгэгдсэн байна. Энэ бүсэд дотоодоосоо халдвар тархаагүй ганц улс бол Монгол улс. Бүсийн орнуудын туршлагаас харахад хөл хориог сулруулах нь халдвар тархах эрсдэл болж буй" гэв.  

ЭМЯ-ны Гадаад харилцааны хэлтсийн дарга Б.Янжмаа "АНУ, Бразил, ОХУ батлагдсан тохиолдлын тоогоор тэргүүлсээр байна. Бразил улсад өнгөрсөн 24 цагийн хугацаанд 15 мянган тохиолдол бүртгэгдэж, нийт тохиолдлын тоо 330 мянга давлаа. 

Өчигдөр БНСУ-д 16 шинэ тохиолдол, нэг нас баралт бүртгэгджээ. Тус улсад шөнийн цэнгээний газраас халдварласан коронавирусийн тохиолдол 225 болжээ. Токио хотод бүртгэгдэж буй халдварын тохиолдол буурч байгаа учраас хөл хориог сулруулах нөхцөл бүрдэж байгаа аж" хэмээн онцоллоо.