Улсын Онцгой комиссын шуурхай штабын хэвлэлийн хурлын үеэр Гадаад харилцааны яамны Консулын газрын дарга Л.Мөнхтүшиг тавдугаар сарын 26, 27-нд Алтанбулагийн боомтоор 594 орчим оюутнуудаа татан авна хэмээн мэдээллээ. 

Мөн тэрээр "Гадаадад байгаа иргэдээ шат дараатайгаар татан авч байна. Нэгдүгээр сараас хойш зохион байгуулалттайгаар татан авсан 8498 хүн байна. Үүнээс онгоцоор 3488 иргэнээ авсан байна. Өнгөрсөн хугацаанд 30 улсаас иргэдээ татан авсан байна" хэмээн онцоллоо. 

УОК-ын шуурхай штабын орлогч дарга Б.Мандахгэрэл "Өнөөдрийн байдлаар 1848 иргэн тусгаарлагдаад байна. Үүний 790 хүн нь Улаанбаатар хотод, үлдсэн 450 хүн орон нутагт байгаа.

ОХУ-аас 170 хүн эх орондоо ирсэн. Үүний 89 хувь нь эмэгтэй, 11 хувь нь эрэгтэй гэсэн мэдээлэл бий" гэв.