Нийслэлийн мэргэжлийн хяналтын байгууллагаас "Олон улсын хүүхдийн эрхийг хамгаалах өдөр"-ийг угтан зохион байгуулж буй хяналт, шалгалтын талаар мэдээлэл хийлээ.

Covid-19-тэй холбоотойгоор хүүхдийн баярыг нийтээр өргөн дэлгэр тэмдэглэхгүй, нийтийг хамарсан арга хэмжээ зохион байгуулахгүй байх шийдвэрийг гаргасан билээ. 

Мэргэжлийн хяналтын байгууллага багцалж боосон хүүхдийн бэлэг бооход зөрчил гаргасан 65 ААН, иргэнд 37,55 сая төгрөгийн торгууль оноожээ. Шалгалтад 449 ААН-ийг хамруулж 500 гаруй зөрчлийг арилгуулж, хадгалалтын горим зөрчигдсөн бүтээгдэхүүнийг устгуулсан байна.

Алтан-жолоо импекс ХХК-ий “Сансар сүлжээ”, “Хоум Плаза” ХХК, “Нано интернэйшнл” компаниудын оруулж ирдэг чихрийн шошгын зөрчлийг илрүүлж, буцаан татуулсан байна.

Бэлэг сонгохдоо бүтээгдэхүүний сав баглаа боодол, хаяг шошгын мэдээлэл, үйлдвэрлэсэн огноо зэргийг хянахыг анхаарууллаа.