ЭМЯ-ны хэвлэлийн хурлын үеэр ХӨСҮТ-ийн ерөнхий захирал Д.Нямхүү "ОХУ-аас ирсэн 13 хүнээс коронавирус илэрч, нийт батлагдсан тохиолдлын тоо 161 боллоо" хэмээн мэдээллээ. 

Мөн тэрээр "Өчигдөр нийт 517 хүний сорьцонд шинжилгээ хийхэд 504-д нь коронавирус илрээгүй. Харин 13 хүнээс коронавирус илэрлээ. Тодруулыал тавдугаар сарын 26-нд Москва-Улаанбаатар чиглэлийн онгоцоор ирсэн 1, тавдугаар сарын 27-нд Алтанбулагийн боомтоор орж ирсэн 12 хүнээс коронавирус илэрлээ. Тэдний 10 нь оюутан" гэв. 

Ийнхүү батлагдсан тохиолдлын тоо 161, эдгэрсэн хүний тоо 43 боллоо. 

ЭМЯ-ны Гадаад харилцааны хэлтсийн дарга Б.Янжмаа "Сүүлийн 24 цагийн байдлаар АНУ-д 20,456 тохиолдол нэмэгдэж, 1535 нас баралт бүртгэгдсэн байна. Бразил улсад нийт халдварын тохиолдлын тоо 414 мянга давж, дэлхийд халдвар хамгийн их бүртгэгдсэн хоёр дахь орон боллоо" гэв.