УОК-ын Шуурхай штабын хэвлэлийн хурлын үеэр Гадаад харилцааны яамны Консулын газрын дарга Л.Мөнхтүшиг "Эх орондоо ирэх хүсэлттэй 10,583 хүн байна. Ирэх сард татан авах иргэдийн тоо, төлөвлөгөөг батлуулсан бөгөөд 2000 орчим иргэнээ татан авахаар төлөвлөсөн. 

Зургадугаар сарын 10-нд Казакстан, 11-нд Токио, 15-нд Энэтхэг, 17-нд Сөүл,19-нд Франкфурт руу тусгай үүргийн нислэг үйлдэх аж. 

Мөн тэрээр "Харин сүүлийн хоёр нислэгийг зургадугаар сарын сүүлээр нөхцөл байдлыг харж байгаад зохион байгуулна. Ингээд зургадугаар сард нийтдээ найман удаагийн тусгай үүргийн нислэг үйлдэж 2,000 орчим иргэнээ авчрахаар төлөвлөөд байна" хэмээн онцоллоо.